4149/20214-2025

Dated Aizawl the 10 February, 2025 : Vawiin chawhma dar 11:00 AM khan State Level Sub Committee on Fire Prevention in a lo rel tawh angin kum 2025 atana kangmei ven kawnga beihpui thlak hapta (fire prevention week) chu Pu H.Lalengmawia, IAS, Commissioner & Secretary chuan Vanapa Hall-ah a hawng.

Hawnna hunah hian khuallian Pu H. Lalengmawia, IAS, Commissioner & Secretary chuan thu sawiin, ramkang tur ven chu mi tin mawhphurhna a nih thu leh chumi atana ngaihtuahna senpui turin kalkhawmte chu a sawm a. Ramkang chu khawvel pum harsatna a nih thu leh chumi avanga ram rang hrang pawhin kangmei venhim hna thawktute puala ni serh bik an hman thindan te a tarlang a. Kan chheh vela nungcha leh ramngaw bakah boruakte venhim chu mitin te'n, khua leh tui tha ni tura kan mawhphurhna a nih dante sawifiahin, Mizoram chu India ram state-te zingah pawh ziak leh chhiar thiam tamna a nih angin, dan zawm kawngah pawh entawn tlak ni tura beisei kan nih dan te a sawi a. Kangmei ven kawnga Department hmalaknate tarlangin, kalkhawmte chu Kangmei ven kawnga mipui vantlang zirtirna tha lehzual a awm theihna tura ngaihtuahna senpui turin a sawm nghal bawk a ni.

Vawiina hun hman hi Pi Vanlalnunpuii Hmar, MFS, DFO Extension chuan a kaihruai a. Pi Kamal Preet IFS, APCCF chuan kalkhawmte lo lawmna thu sawiin,  Pu Ashok Kumar Biswal IFS, Member Secretary of State Level Committee on Fire Prevention & PCCF-in hun hman chhante a sawifiah a. Hemi hnu hian Pu Laltlanhlua Zathang, IFS, CF (P) hnen atangin presentation bengvarthlak tak ngaihthlak niin, Fire Prevention Week puala thutiam cham rualna a kaihruai nghal a. Pi Arti Chaudhary IFS, CCF (RTM) chuan lawmthu sawiin hun hman hi a khar a ni.