135/2023-2024

Aizawl, the 18th April, 2023: Seling to Champhai (NH-6) kalkawng laih zauh hna thawh meka Forest clearance chungchanga harsatna awmte sutkian a nih theih nan vawiin chawhnu dar 2:30 khan EF&CC Minister Pu T.J. Lalnuntluanga chuan a Office Chamber-ah NHIDCL leh Forest Department hotu liante meeting a neihpui.

Forest clearance chungchanga harsatna awmte bawhzuiin Environment, Forest & Climate Change Minister Pu T.J. Lalnuntluanga, Champhai South bialtu MLA ni bawk hmalaknain IRO, Shillong dawr a ni a; thu thlente bawhzuiin April ni 17, 2023 khan Stage-1 Approval an rawn pe a, hemi chungchang hi ngaihtuahin meeting hi neih a ni.

EF&CC Minister Pu T.J. Lalnuntluanga chuan Champhai tlang dung mipuite leh damlo hmunpui pan ngaite'n an nghahhlelh em em Champhai to Aizawl kawng laih hna chu zawh a nih thuai theihna turin Forest Department lam chu Demand Note NHIDCL hnena pe chhuak thuai turin a hriattir a. NHIDCL lam pawh a tul angte lo buaipui a, IRO Shillong-in a pawmpui tawh angin NPA leh CA pawisa a rang thei ang bera deposit turin a ngen a. An deposit fel veleh Forest Department lam pawh Working Permission issue turin a hriattir a ni. Fur ruahtui tlak nasat hmaa hna zo hman thei tura Forest Department leh NHIDCL hotute pawh hma la nghal thuai turin a hriattir bawk a ni.

Vawiina Forest Minister hova meeting-ah hian Pu R.S. Sinha, APCCF (FC), Pu M.Z. Singson, DCF (FC) leh Pu Virender Jakhal, Executive Director, NHIDCL te an tel a ni.