136/2023-2024

Lunglei 18th April, 2023 : Vawiin khan Lunglei Municipal Council hnuaia Councillors 11 te rinawmna thutiam tira lakluhna hun Convention Centre Hall, Lungleiah hman a ni.

He hun hi LMC Chief Executive Officer Pu H. Lalhmingthanga'n a kaihruai a, Councillor thlan thar 11 te hian Lunglei Municipality hnuaia Councillor a thlan tlin an nih anga Sawrkar danpuiin a phut angin rinawm tur leh an kova tla apiangte hlen chhuak tura Pathian hminga intiamna an nei a, District Magistrate leh District Municipal Election Officer ni bawk Pi Ramdinliani chuan lalutin a ni kaihhruaiina vek hian Lunglei Municipal Council hruaitute thlan nghal a ni a, LMC Chairman atan Pu Lalzuithanga, Councillor ward No. III thlan a ni a, Vice Chairman atan Pu K. Lalrinawma, Ward No. VII thlan niin an ni hian Chairman leh Vice chairman an nihna anga rinawmna thu tiamin lakluh nghal an ni bawk. LMC Chairman Pu Lalzuithanga hian LMC Executive Councillor pahnih Pi Lalhruaitluangi Sailo, Ward No. I leh Zorinsanga Hmar, Ward No. IX te a ruat a, an ni pawh hian rinawmna thutiam tiamin lak luh nghal an ni.

Councillor rinawmna thutiam la a lakluh te hi Lalhruaitluangi Sailo(Ward I), Lalmuanpuii Renthlei (Ward II), Lalzuithanga(Ward III), R.Lalramzauva(Ward IV), Zonunmawii(Ward V), R.Lalremsiama(Ward VI), K.Lalrinawma(Ward VII), Malsawmkimi Khawlhring(Ward VIII), Zorinsanga Hmar(Ward IX), Judy Lalhriatpuii(Ward X) leh Vanlalliana Pachuau(Ward XI) te an ni.

Vawiin vek khan Board of Municipal Meeting hmasa ber Convention Conference Hall ah an nei nghal a ni.