137/2023-2024

Lunglei the 18th April, 2023: Lunglei District Treasury Office buatsaihin vawiin khan Extension Training Centre, SIRD, Pukpuiah “Workshop on Integrated Financial Management and Information System (IFMIS)” neih a ni a. He hunah hian IFMIS kaltlanga bill leh hlawh siam dan chungchang zirtirna hun hman a ni.

IFMIS Workshop Co-ordinator Pu Vanlalrosiama Ralte, District Treasury Officer chuan thu sawiin Mizoram sawrkar chuan kum 2022 atang khan IFMIS a hmang tan a, IFMIS hi Finance Department hnuaiah bul tan niin, Mizoram sawrkar Fiscal Management Unit Cell,Government of Mizoram kaltlangin kalpui a ni,a ti a. IFMIS hi Mizoram Sawrkar sum leh pai chet vel dan kaihhnawih zawng zawng - hlawh, bill, contract hna te electronic pay a siamna a ni a, chu chuan data thlirletna rintlak, sum leh pai enfiahna tha tak anih bakah sum leng vak leakage awm thei a veng dawn a ni, a ti a. Chipchiar takin zirtirna a pe nghal bawk a ni.

Vawiin IFMIS workshop-ah hian Pu C.Lalchawimawia,AO, Pi Rosy Laldikkimi,AO leh Pi Mary Lalnunpuii Tlau,DEO te chu Resource persons niin Technical support-ah Interlace Team te an awm bawk a ni. Pu C.Lalchawimawia, Accounts Officer chuan kalkhawmte hnenah IFMIS hman dan chungchang sawifiahin, Department hrang hrang aiawha kalkhawmte chu IFMIS hman thiam ngei ngei a ngaih thu a hrilh a, harsatna an neihte an hnena thlen hreh lo turin a chah bawk.

IFMIS Workshop-ah hian Lunglei District chhunga Department hrang hrang 69 atangin mi 130 an tel thei a ni.