134/2023-2024

Lunglei the 18th, April' 2023: Vawiin khan Mizoram Ministerial Service Association (MMSA) District Headquarters, Lunglei buatsaihin DEO Conference Hall, Lungleiah ni 18th-21st April, 2023 chhung awhtur Department hrang hranga Mizoram Ministerial Service Association, District Headquarters, Lunglei member te pualin Training on Variour Rules & Service Matters neih a ni. Lunglei Bawrhsap Pi Ramdinliani, IAS chuan khuallian niin he training hi a hawng.

Training hi Pu C. Lalnithanga, President, MMSA, District Hqrs. Lunglei chuan kaihruaiin Pi Ramdinliani chuan MMSA District Hqrs. thahnemngaihna in training pawimawh tak buatsaih anih avangin lawmthu a sawi a. Sorkar hnathawhna ah hian dan leh dun zir tur tam tak a awm a, kan thil zirte a bulthut atanga kan hriat chuan kan theihnghilh ngai dawn lo a ni a ti a, sorkar hnathawk tam tak hian file kalphung an hre lova, a chhan chu training mumal an neih loh vang a ni a ti bawk. Lunglei ah ngei hetiang training buatsaih anih hi hmang tangkaia, thahnemngai taka paltlang a sorkar leh mipui ten he training hi hlawkpui ngei se a duh a ni.

Vawiin training ah hian Pu Ellis H. Pachuau, AA & AO, Accounts and Treasuries Office, Aizawl chu resource person niin Office Procedures, Maintenance of Service Rules, CCS(Leave) Rules 1972, CCS (Pension) Rules 1972, Family Declaration & Nomination, Regulation of Pay and Allowances, Travelling Allowances Rules leh New Pension Scheme te zirtirna a nei a. Zawhna leh chhanna hun hman a ni bawk.