Vawiin chawhnu khan Champhai NLUP Line Department-te Champhai DC Pu Zoengsanga hovin DC Conference Hall-ah thukhawmin, tunhnaia an hmalak tawhnate leh kalpui zel dan tur te an sawiho.

Pu Zoengsanga chuan Line Department an nihna angin an hna chu tuipuiiin, mipuite tana hamthatna haichhuak a, rah tha chhuah sak thei turin thahnamngai leh phur taka an hna an kalpui zel a beisei thu a sawi a ni.

Vawiin meeting-ah hian NLUP fund hman dan te, Line Department ten an hnuaia beneficiary-te enfiah a pawimawhziate leh NLUP ruahmanna pakhat ‘one crop one village’ chungchangte sawiho a ni.

Soil & Water Conservation hnuai bikah chuan Hmunphiah leh Coffee trade chu November ni 14 thleng khan Champhai area-ah chuan 2nd phase tanpuina chu sem kim a ni tawh a ni.