2116/2023-2024

Champhai North bialtu MLA Dr. ZR Thiamsanga chuan vawiin khan Ngur Vengsangah Vangpui Kut a hmanpui a, Hnahlan VC House a hawng bawk.

Champhai North MLA Dr.Z.R.Thiamsanga chuan Vangpui kut hmangute chu hlim taka hun hmang turin duhsakna a hlan a, Vangpui kut an hman chuan khawtlangah inlungrualna leh tanrualna tha thlen se a duh thu a sawi bawk. MLA chuan Ngur khua chu Model Village-a thlan a nih avangin a phak ang tawkin theihtawp chhuah mah se, duhthusamin a tling lo hle ang tih a rin thu sawiin mipuite hriatthiamna a dil a ni.

Dr.Z.R.Thiamsanga MLA hian Vawiin vek khan Hnahlan Village Council House cheng nuai 20 senga sak thar chu a hawng a, Hnahlan VC ten Khawtlang hmasawnna an thawh zel theih nan a hmasawnna rotling VC House thar sak a ni chu khawtlang hmasawn nana thil pawimawh ngaihtuahna hmun a nih zel a beisei thu a sawi a;VC House sak puitlin a nih theihna tura hmalaksaktu Chief Minister leh a changtu Minister chungah Bialtu MLA a nih angin lawmthu a sawi bawk.

Champhai North Bialtu MLA hian kar kalta Inrinni khan a bial chhung Hmunhmel?ha ah Bazar-Shed cum YMA Library MLA-Fund hmang a sak thar a lo hawn tawh bakah  Hmunhmel?ha Village Council House cheng nuai 20 sengaa sak thar te, 5th Finance Commission atanga a Fund hmang a Hmunhmel?ha High School Classrom pahnih Extension a hawng tawh bawk a ni.