Vawiin chawhma dar 11:00AM khan Champhai Police leh Horticulture Department Champhai tangkawp te chuan Champhai Police Station Conference Hall ah nikhat awh 'Chuktuah Huan siam dan' tih thupui hmangin Police nupui te tan training an buatsaih a ni.
He training hi Pi Vanlalzawni DSP, Champhai chuan kaihruaiin Police nupui te zingah pasal te thawhchhuahsa ringa lo inhampuar leh nawmchenna atana hmang mai mai thin an awm karah Pasal te hlawh ring ringawt lova chuktuah huana sum chang thei thlai te chinga Bazara lei kher ngai lova chhungkaw eitur intodelh ve thei turin Police nupui kalkhawmte chu a chah a.
He hun ah hian Horticulture Department atangin Pu K. Zonunsanga Horti Extension Officer chuan thlai chin dan ching hrang hrang leh a enkawl zui danah zirtirna a pe ani.
He training hi Police nupuiten Police ramruak tangkai zawk a an hman a, an humhalh that zawk theih nan te, sum leh pai thawh chhuah kawnga an Pasal te an tanpuina turte, Police nupui te kara inthianthatna siam na tur te leh hun awl tha leh tangkai zawk a an hman theih nan a tih ani. Police nupui te mai bakah Police thahnem tak Training ah hian an tel ve a ni.
