Vawiin chawhnu khan Secretariat Conference Hall, New Secretariat Complex, Khatla ah Investment Program Empowered Committee (IPEC) Meeting vawi 24-na chu an Chairman, UD&PA Secretary Dr. C. Vanlalramsanga khaihruaina hnuaiah neih a ni.

Chairman chuan SIPMIU hi India hmarchhak state-te tan a pawimawh thu sawiin, hna an thawh that em avangin Tranche 3-ah phei chuan SIPMIU Aizawl leh SIPMIU Agartala chiah an awm thu a tarlang a. SIPMIU hna kalphung chu a hautak vangin leh hmabak a la tam avangin IPEC member-te chu tha thlah lova ?ang ho zel turin a chah bawk.

IPEC hi North East Region Capital Cities Development Project (NERCCDIP) in a hrin chhuah, State Investment Program Management and Implementation Unit (SIPMIU) tana committee sang ber niin, he committee hi SIPMIU Aizawl kal dan leh hmalakna tur hrang hrang relna khawl pui ber a ni a. IPEC-ah hian department hrang hrang aiawhin Secretary te leh Departmant Head te pawh an tel a, Secretary, UD&PA, Mizoram chu Chairman a ni.

24th IPEC Meeting-ah hian SIPMIU hmalakna kal mek, Tranche 2 leh Tranche 3 project enhonna neih a ni a, hengah hian hmalakna atana pawimawh hrang hrang sum hman tur SIPMIU in a thlente thlir hovin a tul anga siam that a ni a. Project 3 atana hna thawh tur leh contractor chungchang tih fel pawh a tel a ni. SIPMIU Program Director Er. Valbuanga'n Powerpoint presentation hmangin Tranche 2 and Tranche 3 Implementation Project Status report a pe bawk