Vawiin chawhnu khan DC's Conference Hall Lungleiah Lunglei bawrsap Pu Abhijit Vijay Chaudhary IAS kaihhruainain Lunglei Task Force Committee Meeting neih a ni. He hunah hian Bawrhsap chuan National Urban Livelihood Mission (NLUM) hi Ministry of Housing and Urban Poverty Allviation hnuai a sawrkar laipui hmalakna pawimawh tak a nih angin khawpui chhunga miretheite khaichhuahna tur leh an mahni an intundin theihna tura a duan a ni a, NLUM hnuaiah hian mi harsaten an thiamna tih puna zirtir bakah mimal leh pawl anga eizawnna tenau siam sak bakah chenna tur in neilote siam sak hi a tum ber a ni a ti.

Lunglei District Urban Development officer Pu Andrew Lalhruaia pawhin Self Employment Programme thiltum ber chu mimal leh pawlte hnenah mahnia eizawnna ngialnghet an neih theih nana loan hmanga chhawmdawlna pek a ni a, kum 2015 - 2016 chhunga Bank hrang hranga loan pek dan tur target siam report tarlangin mimal hnenah 70 pek tura tihah 22 pek tawh an ni a, pawl thlan chhuah 31 ah pawl paruk loan pek an ni bawk a, harsatna hrang hrang vanga loan la pek ve lohte hi DUDO leh Bank-te tangruala la pek theih dan ngaihtuah nise a duh thu a sawi a. Miretheite khaichhuahna atana thawktu kan nih angin Department leh Bank hrang hrangte kan tan tlan leh zual a ngai hle a ni a ti bawk.

Vawiina Task Force Committee Meeting-ah hian kum 2016 - 2017 atan SEP loan pek tura ruahman ang chuan Lungleia Bank 14 atangin mimal 50 leh pawl hnenah 10-te hnenah pekchhuah tura rel a ni.