Tuirial cluster huamchhung a Horticulture Department leh Agriculture Department hnuaia NLUP tanpuina dawngtute hnenah vawiin khan NLUP 3rd & 4th Phase Pu Hmingdailova Khiangte, Parliamentary Secretary in a sem.

Pu Hmingdailova Khiangte chuan NLUP chu tih takzet a hmalak puitu tan chuan hlawhtlinna a awm a ni tih a lang mek zel a ni tiin, a dawngtute tan la sauh sauh turin a fuih a ni.

Vawiin a Agriculture Department hnuaia NLUP sem hi 3rd leh 4th Phase 2nd Installment a ni a, Bukpui, Lungmuat leh N.Chaltlang khuaa Oil Palm chingtute hnenah sem a ni. 3rd Phase hnuaia beneficiary 40 leh 4th Phase hnuaia beneficiary 13 hnenah sem niin, tanpuina sem chhuah zawng zawng hi Rs.10.60 lacs a ni a, beneficiary pakhatah Rs. 20,000/- zela sem a ni.

Horticulture Department hnuaia NLUP sem hi 3rd & 4th Phase 3rd Installment niin, heng khua - Lungdai, Serkhan, Nisapui, Bukpui, Kawnpui-I, Kawnpui-II, Hortoki, Rasdali, Mualkhang, Thingdawl leh Bualpui ‘N’ a Kuhva, Serthlum, Lakhuihthei leh Iskut chingtu te hnenah sem a ni a. 3rd Phase-ah beneficiary 71 leh 4th Phase-ah beneficiary 25 hnenah Rs.6,93,500/- sem a ni. Tun thlenga District Horticulture Office, Kolasib hnuaia NLUP 3rd leh 4th Phase a tanpuina sum pekchhuah tawh zat hi Rs.22,88,500/- a ni.

Vawiin Lungdai a NLUP semnaah hian Pu H.Lalengmawia, Deputy Commissioner chu khualzahawm niin, NLUP dawngtute fuihna thu a sawi a. NLUP sem zawh hian Lungdaiah School hrang hrang tlawhin Education Campaign a nei nghal a ni.

Attachment

  • Loading attachment...