Vawiin chawhma khan Champhai Police Station Conference Hall-ah Champhai District Police Officer ten Human Rights chungchangah debate an nei a. He hun hi Addl. SP Pu VL Lura Hauzel, tuna Champhai SP charge la mektu chuan kaihruaiin, mipui humhimtu Police-te chuan mipui te dikna leh chanvo hnenh taka an hriatpui a tul thu sawiin, debate buatsaih chuan Human Rights Awareness kawnga hmasawnna tha tak a thlen a beisei thu a sawi a ni.

Debate hi topic hrang hrang niin, English topic pakhatah leh Mizo topic pathumah debate hi neih a ni a. Dr. F.Lalfakawmi, Asst. Professor Govt. Champhai College leh Pu Zirmawia Ralte, Headmaster Bethel High School ten endikin, a titha zual te hi Sate Level Debate neih turah District aiawh turin thlan an ni ang.