2322/2024-2025

Champhai, 1st October, 2024: Mizoram State Sawrkar Notification No. B.12021/10/2004-TRP Dt.01.06.2020 leh Motor Vehicle Act 1988 (act 59 of 1988) Section 117 in thunehna min pek angin leh Champhai Electric Veng Village Council ngenna angin Hnahsin Kut 2024 hman laiin mipui him zawk nan leh lirthei chet velna a felfai theih zawk nan Electric veng huam chhungah Dt.03.10.2024 (Ningani) atanga Dt. 18.10.2024 (Zirtawpni) thleng leh a hnu zela hman zui atan motor park dan chungchang a hnuai a mi ang hian siam a ni.

Champhai Electric Veng Chalchung Run atanga Vaihmun kawn inkar kawngdung kawngpui sir ah Hnahsin Kut hun chhung i.e 03.10.2024 atanga 18.10.2024 hian lirthei eng chi mah tumahin an hung/dah (park) tur a ni lova, lirthei dahna atana lo hmang thin te pawhin mahni garage-ah emaw, Sapsakeilamlian leh hmun dang remchang lai ah an sawn vek tur a ni ang. Tin, Chalchung Run leh Vaihmun inkar ah tumahin motor lian chi (MMV chin chunglam) kawngpui dungah hun/dah (park) phal a ni lo.

He thupek hi Dt.03.10.2024 (Ningani) atanga hman tan tur a ni ang a, ṭul bik thilah chuan eng hunah pawh tih danglam theih a ni.