Vawiin khan Champhai DC Conference Hall-ah Addl DC Pu Alexander V. Chongthu hovin bungrVaw phur Lirthei lian avanga Champhai Zotlang leh Tlangsam panna kawnga harsatna leh mipui chetvelna tibuai theite sawiho a ni.
Meeting chuan bungraw phur Lirtheite dahna tur Truck Terminal changtlung tak buatsaih anih hma chuan mipui vahvelna ti buai lo leh an him zawkna atan Truck liante chu kawngpui dal lo thei ang bera dah a, Zotlang leh Khankawn inkar Tuipui kanna Leihlawn atanga Khankawn Police Beat Post thleng kawng kam lehlam chauha dah nise tha a ti a. Meeting-ah hian Champhai Phaizawla Godown sakte Revenue department lamin an endik mek thu tarlan a ni bawk a. Thutkhawmah hian Champhai Tlangsam panna kawnga bungraw phur Lirthei chetvelna avanga harsatna awm theite pawh ngaihtuah ho a ni a. Kawngpuia vahvelna tibuai leh kawngpui tichhe thei ang zawnga Lirtheite dah loh nise tih a ni. Remchang hmasa berah Zotlang leh Tlangsam panna kawnga Lirthei chetvelna leh hemi vanga harsatna awm theite a hmunah kala enho a, zirchianna atanga hmalak chhunzawm dan tur ngaihtuahho leh nise tih a ni.
