Agriculture Technology Management Agency (ATMA) buatsaihin vawiin chawhma khan Champhai I&PR Conference Hall, CHANEM-ah "Farmer Scientist Interaction" programme neih a ni a. He hunah hian ran natna hrang hrang larzual leh enkawl dan te inzirtir a ni.

He programme hi Pu RK Nithanga DAO/ Project Director, ATMA Champhai kaihruaina hnuaiah ran vulh leh sangha dil a eizawnga kut hnathawktute leh he lam a mithiam bik te tan inkawmkawmna neih a ni a. Dr. C.Sawithuama SDVO(S) leh Dr TC Lalthanzauva VO (Hospital) ten ran natna chungchanga hriattur pawimawh te zirtirna pe in, Pu K.Lalrinmawia FEO hnen atangin sangha enkawl dan ngaihthlak a ni a.

Resource person-te bakah hian Pu Lalchhuanawma FD, Fisheries Dept.), Pi Lalrinawmi Renthlei Senior Scientist & Head KVK Khawzawl, Pu SK Amed, SMS, KVK Khawzawl hovin kuthnathawktu 25 kal te hian zawhna leh chhanna hun hlawkthlak tak an hmang a.Tunlaia vawk natna lar em em PRRS chungchang te pawh sawiho a in zirtirna hun hman a ni bawk.