Vawiin khan Vety Complex Farm veng Lungleiah, Lunglei South Cluster chhunga chhungkaw 259 te hnenah NLUP thawh thumna leh thawh lina 1st installment vawkin saknatur cheng 28000 theuh chu Pu S. Laldingliana Vice Chairman HPC Lunglei in a sem.

Dr. Vanlalbuanga DVO Lunglei chuan semna inkhawm tawi kaihruaiin Pu S Laldingliana chuan a bial mite NLUP tanpuina dawngtute a lawmpui thu a sawi a, sawrkarin kuthnathawktu a hmangaih avanga NLUP dawng hlawhtling engemawzat an awm tawh a, tuna dawng mek te pawhin rinawmna leh taimakna nena an thawh chuan hlawhtlinna an chan ngei a beisei thu a sawi a, sawrkarin a intiam ang chiah a NLUP hmanga kuthnathawktute hnena tanpuina a sem chu a tak ngei a dawngtu leh chhawr tangkai an awm chu lawmawm a tih thu a sawi bawk a ni. Pu S. Laldingliana chuan a sawi zelnaah New Economic Development Programme hnuaiah Mizoramin cheng vaibelchhe sawmhnih a hmuh tur atangin kuthnathawktute chawikan nan engemawzat chu dah tum a nih thu a sawi a, sawrkarin a tihtur a ti a, kuthnathawktuten an tih tur an tih ve a ngaih thu a sawi bawk.

Tun tuma NLUP vawkvulhtute tana sem hi a in sakna tur a ruahman a ni a, tunlaiin vawknatna hri a len a vangin vawkte hmun dang atanga la lut mai rih loturin NLUP dawngtute hi DVO chuan a chah a, tualchhung vawk tha erawh a theih anga lo vulh sa turin a chah bawk a ni.