Ni thum thanga Champhai leh Zokhawthar khuate tlawha zin, Chief Minister Pu Lal Thanhawla chu nizan khan dam takin Aizawl alo thleng leh ta. Chief Minister hi a nupui Pi Lal Riliani bakah, Cabinet Ministers, S.Hiato, J.H. Rothuama, Lalsawta, Zodintluanga te, Minister of State, P.C.Lalthanliana leh Nihar Kanti Chakma leh Deputy Speaker, John Rotluangliana leh T.T.Zothansanga, MLA ten an tawiawm a ni.
Chief Minister leh amah tawiawma zuitute chu Champhai mipui ten Thawhtanni kalta khan, Darthangvunga Traffic Point-ah ropui takin hmuahna inkhawm an lo buatsaih a. Chief Minister chuan hetianga a Minister te nena Champhai an tlawh chhan chu Chief Minister nilai tlin loh tir thei an nih avanga Champhai bial mipuite hnena an lawmthu sawina anih thu a sawi a. Mipui ten an zir anih chuan duhsak bik pawh an ni ang tiin, district changtlung taka siam sorkarin a tum a ni, a ti.
Pu Lal Thanhawla chuan Pathian zawnchhuah ramah hian mirethei leh hausa inkar zau ta lutuk chu rorelna dik a awmlo tih a chiang a, A sorkar chuan rorelna dik leh felfai din hi a tum a nih avangin, dikna chu huaisen taka kalpuiin,a kalkawngah tu emawte a suthlu palh anih pawhin tumahin an sawipui tur anilo a ti a. Mipui sorkar hi sem sem dam dam, eibil thi thi tiin a kal anga, chuvangin duhsak bik emaw, duhsak loh bik emaw, tlatlum bik emaw, tlatlum lo bik emaw siam a ni lovang a ti a. Mi zawng zawng chungah that chhuah a tum a ni a ti. Chutilova a sorkar tihchhiat leh tihhmingchhiat tum emaw te chu dim an ni loving a ti. Chuvangin sorkar dik leh felfai a awm theih nan mipui leh a thawktute chu an dik hmasa tur a ni tiin, Pu Hawla chuan dikna, rinawmna, taihmakna leh thianghlimna nen sorkar chu a kalpui dawn a ni a ti a. Dikna lal tir leh laihlan anih theih nan engtik lai pawh in lepse kan ngam tur a ni a ti.
Corruption chungchangah Chief Minister chuan inrelbawlna leh sum enkawl chungchang bikah sorkar hmasa kihhnawk thenfai tur tam tak a awm avangin duh angin sorkar a kal chak thei dawn lo a ni a ti a. A sorkar chu ven a ngaih loh tur thu leh an mahni leh sorkar hnathawkte chu tuma lei theihin an awm lovang tiin, lei theiha awm tur pawh anilo a ti a. Tumahin corrupt pui tur kan zawng bawk tur a nilo Pu Hawla chuan a ti. Corruption umbo na hmanrua atan Vigilance Commission pawh din anih tawh thu leh hei hian chhui ngai atih apiangte chu a chhui mai dawn a ni a ti a. Ministerte leh MLA te viltu tur Ethics Committee din anih tawh bawk thu a sawi bawk a. Mipuite chu Ministerte leh sorkar hnathawkte chu corrupt puia sawm lo turin a chah bawk a ni.
Pu Lal Thanhawla chuan mirethei leh chanhaite chhanchhuah chu a sorkar tih hmasak ber tur anih thu sawiin,hemi atan hian NLUP chu hmangin rahbi tuksak an ni ang a ti a. NLUP chu mirethei ten leirem an rah ve theihna tura tih a ni a, tunah hian mithiam ten a plan siamin, hei hi central sorkarah thehlutin sanction siam anih ang a ti a. A hlawhtlinna erawhchu mipuite kutah a awm a ni a ti. NREGA chungchang sawiin, hei hi Dan (Act) anih avangin thingtlang mite tan kum khata ni 100 tal an inhlawh ngei ngeina tur anih avangin khawpui mite tana siam a nilo a ti a. Tuna Job Card tam zawk hi diklo anih avangin ennawn vek anih tur thu a sawi a. BPL lists diklo lutuk pawh hi siam that vek a ni bawk ang tiin, a siam tu turte chu politician te nilovin, YMA, MUP leh MHIP atangte in an ni ang Pu Hawla chuan a ti a ni. Thalaite tan sawrkar in khawvel thar kawng hrang hrangah siamsak an ni ang a ti bawk.
Chief Minister chuan Zokhawthar khua tlawhin border trade changtlung tak siam thuai anih tur thu sawiin, Union Commerce Minister Jairam Ramesh chu reilo te ah Land Custom Building chu Commission tir anih tur thu a sawilang bawk a ni.
Pu Lal Thanhawla hian Champhaia sorkar hnathawkte chu Chanem a I & PR Conference Hall-ah inkawmna hun neih puiin, sorkar neitu dik tak in nih avangin entawn tlaka nung tur leh hnathawk tura chahin, ruling party ah rinawm tum tur a nilo tiin, sorkarah rinawmna nghah zawk tur a ti a. A sorkar manifesto chu lehkhabu pawimawh taka vawng turin a chah a, hun vawn dik ngai pawimawh theuh tur leh kihhnawk thenfaina kawngah an finna leh hriatnate chu sorkarin ala mamawh ang a ti a.Sorkar hnathawk ten an tih loh tur an tih thinte tihtawp anih theih nan, phuba la zawng nilovin, deterrent action pawh lak a la ngai ang a ti.
Pu Lal Thanhawla chuan Champhaiah ASO I dah anih tur thute, ICDS dahte, Polytechnic din nan Rs. 2 Crore dah anih thute, UD & PA atangin chhungkaw 327 tan in sak sak te, Civil Hospital sak nan Rs 19 Crore dah te leh Sorkar laipuiin Champhai District khawi hmun berah emaw Food Park siam nan Rs 60 Crore a rawn pek tur thute a sawi bawk a ni.
Pu S.Hiato, Minister of Industries etc pawhin thu sawiin, in tih ropui tuma lokal an nih loh thu a sawi a.Mipui sorkar thar chu Champhai mipui ten thinlung taka an lo lawm avangin an hnenah lawmthu a sawi bawk a ni.
Chief Minister hian Champhaia a cham chhungin hmun pawimawh hrang htangte a fang a.Chungte zingah chuan DC Office hmun kalsan tak leh tuna office complex te, Circuit House sak mekte, Cold Storage te, Sports Complex hmun turte, Indoor Stadium sak mekte, Hospital leh College te an ni.
Pu Lal Thanhawla chuan Pathian zawnchhuah ramah hian mirethei leh hausa inkar zau ta lutuk chu rorelna dik a awmlo tih a chiang a, A sorkar chuan rorelna dik leh felfai din hi a tum a nih avangin, dikna chu huaisen taka kalpuiin,a kalkawngah tu emawte a suthlu palh anih pawhin tumahin an sawipui tur anilo a ti a. Mipui sorkar hi sem sem dam dam, eibil thi thi tiin a kal anga, chuvangin duhsak bik emaw, duhsak loh bik emaw, tlatlum bik emaw, tlatlum lo bik emaw siam a ni lovang a ti a. Mi zawng zawng chungah that chhuah a tum a ni a ti. Chutilova a sorkar tihchhiat leh tihhmingchhiat tum emaw te chu dim an ni loving a ti. Chuvangin sorkar dik leh felfai a awm theih nan mipui leh a thawktute chu an dik hmasa tur a ni tiin, Pu Hawla chuan dikna, rinawmna, taihmakna leh thianghlimna nen sorkar chu a kalpui dawn a ni a ti a. Dikna lal tir leh laihlan anih theih nan engtik lai pawh in lepse kan ngam tur a ni a ti.
Corruption chungchangah Chief Minister chuan inrelbawlna leh sum enkawl chungchang bikah sorkar hmasa kihhnawk thenfai tur tam tak a awm avangin duh angin sorkar a kal chak thei dawn lo a ni a ti a. A sorkar chu ven a ngaih loh tur thu leh an mahni leh sorkar hnathawkte chu tuma lei theihin an awm lovang tiin, lei theiha awm tur pawh anilo a ti a. Tumahin corrupt pui tur kan zawng bawk tur a nilo Pu Hawla chuan a ti. Corruption umbo na hmanrua atan Vigilance Commission pawh din anih tawh thu leh hei hian chhui ngai atih apiangte chu a chhui mai dawn a ni a ti a. Ministerte leh MLA te viltu tur Ethics Committee din anih tawh bawk thu a sawi bawk a. Mipuite chu Ministerte leh sorkar hnathawkte chu corrupt puia sawm lo turin a chah bawk a ni.
Pu Lal Thanhawla chuan mirethei leh chanhaite chhanchhuah chu a sorkar tih hmasak ber tur anih thu sawiin,hemi atan hian NLUP chu hmangin rahbi tuksak an ni ang a ti a. NLUP chu mirethei ten leirem an rah ve theihna tura tih a ni a, tunah hian mithiam ten a plan siamin, hei hi central sorkarah thehlutin sanction siam anih ang a ti a. A hlawhtlinna erawhchu mipuite kutah a awm a ni a ti. NREGA chungchang sawiin, hei hi Dan (Act) anih avangin thingtlang mite tan kum khata ni 100 tal an inhlawh ngei ngeina tur anih avangin khawpui mite tana siam a nilo a ti a. Tuna Job Card tam zawk hi diklo anih avangin ennawn vek anih tur thu a sawi a. BPL lists diklo lutuk pawh hi siam that vek a ni bawk ang tiin, a siam tu turte chu politician te nilovin, YMA, MUP leh MHIP atangte in an ni ang Pu Hawla chuan a ti a ni. Thalaite tan sawrkar in khawvel thar kawng hrang hrangah siamsak an ni ang a ti bawk.
Chief Minister chuan Zokhawthar khua tlawhin border trade changtlung tak siam thuai anih tur thu sawiin, Union Commerce Minister Jairam Ramesh chu reilo te ah Land Custom Building chu Commission tir anih tur thu a sawilang bawk a ni.
Pu Lal Thanhawla hian Champhaia sorkar hnathawkte chu Chanem a I & PR Conference Hall-ah inkawmna hun neih puiin, sorkar neitu dik tak in nih avangin entawn tlaka nung tur leh hnathawk tura chahin, ruling party ah rinawm tum tur a nilo tiin, sorkarah rinawmna nghah zawk tur a ti a. A sorkar manifesto chu lehkhabu pawimawh taka vawng turin a chah a, hun vawn dik ngai pawimawh theuh tur leh kihhnawk thenfaina kawngah an finna leh hriatnate chu sorkarin ala mamawh ang a ti a.Sorkar hnathawk ten an tih loh tur an tih thinte tihtawp anih theih nan, phuba la zawng nilovin, deterrent action pawh lak a la ngai ang a ti.
Pu Lal Thanhawla chuan Champhaiah ASO I dah anih tur thute, ICDS dahte, Polytechnic din nan Rs. 2 Crore dah anih thute, UD & PA atangin chhungkaw 327 tan in sak sak te, Civil Hospital sak nan Rs 19 Crore dah te leh Sorkar laipuiin Champhai District khawi hmun berah emaw Food Park siam nan Rs 60 Crore a rawn pek tur thute a sawi bawk a ni.
Pu S.Hiato, Minister of Industries etc pawhin thu sawiin, in tih ropui tuma lokal an nih loh thu a sawi a.Mipui sorkar thar chu Champhai mipui ten thinlung taka an lo lawm avangin an hnenah lawmthu a sawi bawk a ni.
Chief Minister hian Champhaia a cham chhungin hmun pawimawh hrang htangte a fang a.Chungte zingah chuan DC Office hmun kalsan tak leh tuna office complex te, Circuit House sak mekte, Cold Storage te, Sports Complex hmun turte, Indoor Stadium sak mekte, Hospital leh College te an ni.
Attachment
- Loading attachment...
