Vawiin chawhma dar 11:00 khan Govt. College Lunglei-ah Certificate Course in Computer Application Pu S. Laldingliana, Parliamentary Secretary in a hawng. He hawnna programme hi C. Hrangdula, Govt. College, Lunglei Principal-in a kaihruai a. He Course zirna hi UGC in a sponsored a ni.
Hawnna thusawiin Pu Dinga chuan he course hawn hian tunlai khawvel hmasawnnaah zirlaite thiamna ropui tak a pe dawn a ni, a ti. He thiamna hian computer hmanga eizawnna a pe thei dawn a, a pawimawh hle a ni, a ti. Tunlai khawvel hi a thiam thiam dinchhuahna a ni a, eng exam pawh hmachhawn thei turin zirlaite kan thiam a ngai a ni, a ti. A pawhmawh chu zirlai chuan kan zirlai kan thiam chiang tur a ni a. Chumi tur chuan theih tawp chhuah a kan zir a ngai a ni, a ti a. Kohhran leh NGo’s hruaitu ah pawh mahni zirlai tibuai khawp chuan in hman loh a tha a ti bawk. Govt. College chu thawktute leh zirlaite in pumkhatna tha nei a college hmasawn zel nana theih tawp chhuah theuh turin a chah. Pu Dinga chuan Basket Ball Court siam that nan Rs. 1,00,000/- pek an ni ang a ti bawk. Govt. College-ah hian Lecturer nghet 34 awmin a nghet lo a thawk 30 an awm mek a, zirlai 390 an awm a ni