3110/2024-2025

Champhai, 20th November 2024: Vawiin khan ZNS Picnic Spot Mualkawiah ‘71st All India Cooperative Week’ pualin hun hman a ni a. Pu Robuanga, Addl. Registrar , Cooperative Department in khuallian niin a hmanpui a, 'Role of Cooperative in Building ‘Viksit Bharat’ tih chu thupui atan hman a ni.

He hun hi Pu B. Lalchhanhima, District Cooperative Officer chuan kaihruaiin, Cooperative Week hmang tura hmalak dan te sawiin, he hunah kal te inhmelhriattirna leh lawmna thu a sawi bawk a ni.

Khuallian Pu Robuanga chuan Mizo te hi chhiatni ṭhatni a ṭangruala thawkho thin kan ni a, hetiang chiah hian society dina hmasawnna kawng zawh tur chuan ṭanrual a tul hle a ni a, a ti a. tunlai thiamna thang mekah hmanrawh changtlung zawk nena Pacs te pawh kalpui chhoh mek ania, Sawrkar Society te pawimawhna hriain theih tawp chhuah in hmasawnna turin hand holding hmang min tanpui mek a a dawn thleng te hi kan lo in siam rem a tul a. Tunlai thiamna ṭhang mekah hmanraw changtlung zawk nen Primary Agriculture Credit Society (PACS) te pawh thuam chak chhoh zel an nih thu tarlangin, sawrkarin society-te pawimawhna hria in ‘Ban a Kaih’ hmanga ṭanpui tura hma a lak mek naah a mipui ten kan dawhthleng kan tihrem a ṭul a ni, a ti. Addl. Registrar chuan Champhai District chu Mizoram a society din hmasakna leh society ṭha pawl ni reng te awmna hmun a ni tiin, tun dinhmun an thlen theih chhan chu rinawm leh taima taka lo thawk tawh ṭhin te vang a ni tih hre thar turin kalkhawmte chu a chah a. Sawrkar department dang te nen thawhhona ṭha nei a, hmasawnna kawng zawh zel turin duhsakna a hlan bawk a ni.

Pu Robuanga chuan khawthlang ramah society avanga hmasawn tak tak hmuh tur an awm tih sawiin, society-te chu Champhai District ti changtlunga ti hmasawn theitu an ni tih in hre thar a, theihtawp chhuah zel turin a chah a.

Hmanraw changkang zawk hman chhoh mek zel a nih angin, ṭhalai mithiam zawk chherchhuah kawngah ṭan lak thar a ṭul tih sawiin Pu Robuanga chuan, “Mahni intodelh leh midangte chawikan chu society thupui a ni a, rinawmna leh taimakna nen i vawng nung zel ang u,” tiin kalkhawmte chu a sawm a ni.

Pu Lalthanpuia, Associate Professor Govt. Champhai College in Cooperative Week thupui 'Role of Cooperative in Building Viksit Bharat' sawifiahna neiin Cooperative hian India ramah hmun pawimawh tak a chang a, India ram changkanna, ei leh in lama harsatna, retheihna tih ziaawmna leh kan ram leilung hausakna, sik leh sa inthlak danglam nasa lutuk tur ven te, ramngaw leh nungcha chereu tur humhalh leh Sorkar tha siam kawngah hmun pawimawh tak a luah a. India Independence atanga kum 100-na denchhena India ram chu ram changkang leh hmasawn (Developed Nation) a hlangkai tur ruahmanna anih avangin thawhhona tha nei a ṭanrual a tul thu a sawi a ni.

He hunah hian Champhai District chhunga Cooperative Society hrang hrang te hnen atangin an hlawhtlinna leh an hmasawnna tur a an hmalak dan ngaithlak a ni a. Pu Lalmuanpuia, CAO Cooperative Office, Champhai in report pein, DCDC members te hnen atangin thusawi ngaithlak ani bawk.

Vawiina Cooperative Week lawmna ah hian  Pi Lalhmachhuani, DDM NABARD; Pu Lallawmkima, LDM, Lead Bank Office; leh Champhai District chhunga Cooperative Society te  an tel a ni.