Vawiin khan District Veterinary Officer Office Champhaiah  Dr.Indra Kumar Narang, Diary Consultant, Government of India hovin  Dr M.Zohmingthangi, DVO leh Champhai District Milk Producers’ Co-operative Union Limited (CHAMUL) Board of Directors ten meeting an nei a. He hunah hian awmze nei zawk leh felfai zawka Bwnghnute lakkhawma, hralhchhuah anih theih dan turte sawiho a ni. 

Dr. Indra Kumar Narang, CHAMUL Board member te hnen atanga rawtna leh hmalak thinna te uluk takin a ngaithla a, Central Sawrkar hnuaiah project siama thlena tha thar thawh leh anih theih nana hmalak tum anih tur thu a tarlanga. Meeting in tha a tih angin Bwnghnute tharchhuahte chu chhunkhawmna siama MULCO lama sawngbawl hnuah remchan dan anga hralhchhuah leh nise tih a ni a. Society pawh a tah tawla tihlen zel pawh tum a ni. 

Meeting zawh hnu hian CHAMUL Building hmunhma te an enfiah nghal a. Champhai tlawh hma hian Kolasib leh Lunglei te tlawh tawhin hengahte hian Dr.Zohlimpuia VO leh MULCO lam aiawhten an tawiawm thin a ni.

CHAMUL hian kum 2010 atang khan CHAMUL Bawnghnute a siam chhuak tan a. Society member atanga Bawnghnute a leikhawm chu hralh chhawn leh turin a siam chhuak a, Champhai leh khaw chhehvelah te an hralh thin a ni.

 

Attachment

  • Loading attachment...