3940/2023-2024

23rd February, 2024 : Vawiin khan Chapchar Kut hman dan tur thlirhoin Chapchar Kut Celebration Committee chu Chairman Pu James Lalrinchhana, District Bawrhsap hovin DC Conference Hall, Keifangtlang ah an thukhawm.

Thukhawm chuan Programme Sub Committee in Chapchar Kut hman dan tur an lo duan lawk te an thlir ho a, belh ngai leh paih ngai te an siam rem a ni.

Chapchar Kut lawmna hi Champhai Zotlang Sports Complex ah hman a ni ang a, Lt. Col. Clement Lalhmingthanga, Champhai South A/C bialtu MLA chu Kut Pa a ni ang a, District Bawrhsap Pu James Lalrinchhana chu kut thlengtu a ni ang. Pastor E. Vanlalpeka, Zote UPC NEI Bethel bialtu Pastor chuan hunserh a hmang ang a, thuthmun Branch YMA Chhangte'n Sarlamkai an entir ang a, thuthmun branch hnuaia Branch thlanbik te'n hnam lam chi hrang hrang an entir ang a, Sub Headquarters MHIP thuthmun branch te'n par lam an entir ve bawk ang.

District MUP te'n Hlado chhamin, Amosa Vocal Point te an zai ang a, anni bakah hian Champhai zaithiam te an zai dawn bakah Guest Artist Zaii Hauchhum a zai bawk ang.

Chapchar Kut lawmna ah hian Kut Miss thlan leh a ni dawn a, pakhatna atanga pathumna thleng thlan an ni ang a, naupang inchei nalh mipa leh hmeichhia thlan an ni leh bawk ang a, Chai in hun hmasa khar a ni dawn a ni. Hun hnihna hi Live Concert-a hman tur niin MZI Headquarters kutah dah a ni.