Vawiin khan Food & Drugs Administration CMO Office, Champhai buatsaihin Champhai a damdawi zuartute tan Sensitization Workshop I&PR Auditorium, CHANEM Building-ah neih a ni. He hun Dr. R. Lianmawia, Senior Medical Officer, Champhai District kaihhruaiah hian Pu Lalsawma Pachuau, Joint Director (Food&Drugs) Controlling & Licensing Authority, Directorate of Health Services, Mizoram chu Khuallian a ni.
Pu Lalsawma Pachuau chuan Damdawi zuar tur chuan Pharmacist nih a ngaih thu a sawiin, damdawi zuartute chu an dinhmun pawimawh zia hre thar leh turin a chah a. Damdawi hi a mamawh tu mamawhna takah pek a nih chuan a natna zawng zawng a chhawk thin a, pek sual palh a nih erawh chuan natna tizualtu leh thihna hial thlentu a nih avangin fimkhur angai hle a ni a ti.Doctor te hian anmahni pantute hnenah an damdawi chawh ei dan tur an hrilh vek hman loh chang a awm thei a, chinchang hre lo zawkte tha taka lo hrilhfiah chu an mawhphurhna a nih thu leh chu chu sawrkar ai an awhna chhan a nih thu a sawi a.
Khuallian chuan damdawi leitu damdawi chungchang engmah hre lote chiang taka a nih phung hrilhhriat hi an mawhphurhna a nih thu leh Antibiotics damdawi bik chungchangah fimkhur hle turin damdawi zuartute chu a chah a, Antibiotics hman dik lohna avang hian WHO pawh a mangang hle tawh niin a tarlang bawk a ni.
Pi C. Ramdinmawii, Asst. Director chuan report pe in dan in phalna a pek damdawi zuar 262 an awm thu leh whole seller 5 an awm thu tarlangin general drug license holder 5 an awm thu a tarlang bawk. Drug sample 137 Guwahati ah mihring tan ei tlak a nih leh nih loh endik tura thawn a nih tawh thu a sawi a, heng zing a 37 chu endik tawh niin 1 chu mihringte tan ei tlak loh tih hmuhchhuah a ni a, a siamtute pawh hriattir nghal an nih thu a sawi bawk.
Dr. Lianmawia kaihhruanain Pi Nehasuri sunna hun hman a ni, Pi Nehasuri hi nimin piah mai khan Damdawi Dan lova zuar te license cancel sak avanga misual te thah a nih thu tarlan niin, rampumah amah sunna hun hman a nih thu a tarlang a ni.
He hunah hian Pu F. Lalliantluanga, Deputy Director (Food&Drugs) Directorate of Health Services, Mizoram chuan Damdawi chungchangah kawng hrang hrangin zirtirna a pe a
