Vawiin khan Lawngtlai District chhunga Booth Level Officer (BLO)-te chu Lawngtlai DC Conference Hall-ah koh khawm niin, Member of Parliament (Lok Sabha) Inthlanpui 2019 lo awm tur chungchanga thil pawimawh hrang hrang sawipui leh hrilhfiah an ni.

He hunah hian Lawngtlai District chhunga BLO 165 awm atangin BLO 158 an tel thei a. Lawngtlai District Election Officer (DEO) Pi Shashanka Ala, IAS chuan BLO kal khawmte chu inthlan felfai leh muanawm tak a awm theih nan mahni booth theuh uluk taka vila an mawhphurhna hlen ngei turin a chah.

He hunah hian Election Officer Pu Lalremruata Sailo MCS leh Sub-Deputy Commissioner Pu Vabeimozachhi Chozah MCS te'n inthlan chungchanga BLO-te hriat tur pawimawh hrang hrang leh an mawhphurhna te an hrilhfiah a. Elector Photo Identity Card (EPIC) thar sem chhuah a ni bawk.