Kumin April Ni 11 a Lok Sabha inthlanna neih tur atana Champhai District chhunga Assembly Constituency 5 a hman tur EVM/VVPAT thliar hran tawhte endikna hnuhnung leh hman mai theih tura peihfel  hna chu vawiin khan DC Office hmun hrang hrang; General Room, Election Room II, DC Conference Hall, General Room leh NIC Conference Hall-ahte neih a ni.

He hunah hian Champhai District chhunga Assembly Constituency 5; 21-Lengteng, 22-Tuichang, 23-Champhai North, 24-Champhai South leh 25-East Tuipui A/C huamchhunga Polling station tina hman tur EVM khawl, Control Unit (CU) Ballot Unit (BU) leh Voter Verifiable Paper Audit Trail (VVPAT) hman tur thliar fel tawh sate chu ECIL EVM engineer-te'n hman theih turin an buatsaih a. A khawl lam buatsaih fel vek a nih hnuah candidate-te hming chhut luh niin, a kal dik leh dik loh enfiah leh vek phawt a ni a. Vote thlak nana hman theih mai tura peih felfai a nih hnuah khawih danglam theih tawh loh tura seal hmanga uluk taka char niin, dah that nghal zel niin, EVM-te hi a dik ngei a ni tih finfiah nan vote thlak chhin zel a ni.

Tun inthlan atan hian EVM khawl Control Unit (CU) 211, Ballot Unit (BU) 211 leh VVPAT 204 te Commission a ni a,  21-Lengteng A/C-ah CU-42, BU-42, VVPAT-40; 22-Tuichang A/C-ah CU-40, BU-40, VVPAT-39; 23-Champhai North A/C-ah CU-46,BU-46, VVPAT-45;   24-Champhai South A/C-ah CU-38, BU-38, VVPAT-45 leh 25-East Tuipui A/C-ah CU-45, BU-45, VVPAT-43 te hman tura peih fel a ni.

EVM khawlte Commission-na hun hi District Election Officer Dr Naveen Aggarwal leh Pu Alan Lalthanzara, Election Officer Champhaiten an vil a. He hunah hian District Election Official, ECIL Company Engineer-te leh Political Party aiawhte an tel a ni.

Vawiin vek khan Pu Bidol Tayeng, IAS, General Observer for Champhai District chuan Champhai North leh Champhai South Assembly Constituency huamchhunga Polling Station thenkhatte a hmunah kalchilhin a enfiah a ni.