1480/2026-2027

Champhai dated 22nd July, 2026: Vawiin khan DAY NULM hnuaia Champhai District City Level Executive Committee chu an thukhawma, DC Conference Hall, Keifangtlangah neih niin Pu Lalbiakfela Addl. DC chuan a kaihruai a, Patient Attendants' Shelter sak mek a, 3rd installment pek tur chungchang an sawiho.

Pu Ngulzathuama, DUDO chuan March ni 25 ah khan 1st inspection neiin 60% an thawk zo tawh a, June ni 18 ah 2nd inspection neih leh niin 75% an zo a, 3rd installment an pek chuan an zawhpui theih tawh beisei a nih thu tarlan a ni a, ceiling, bathroom glass tile, electrification, rawng hnawih, kawngka leh tukverh vuah te an la hmabak a nih thu a tarlang.

He project atan hian ₹38,72,129 dah a ni a, he project hian Civil Works bik a huam a, furniture khawihna tur hi a hranin an dawng leh dawn a ni. 1st installment ah ₹1,93,600 pekchhuah a ni a, 2nd installment ah ₹15,48,850 pek leh an ni. 3rd installment ah hiam ₹15,48,850 bawk pek leh tur a ni a, Committee chuan pek a remti bawk. Tun dinhmunah ₹17,42,450 pekchhuah tawh a ni a, pekchhuah tur hi ₹21,29,679 ala awm mek a, insak hi an zawhfel hunah pawisa bang la awm te hi an hlan nghal ang.

Patient Attendants' Shelter hi chhawng 2 a sak a ni a, a chungah hmeichhia an awm ang a, a hnuaiah mipa an awm thung ang. Chhawng khatah hian mi 10 ve ve awm thei turah duan a ni.