1479/2026-2027

Siaha the 22nd July 2026: Inter- Departmental Coordination Committee (IDCC) on Civil Registration System chu vawiin khan DC Mini Conference Hall-ah District Registrar of Births & Deaths, Pu VL Hruaizela Khiangte, District Bawrhsap nibawk kaihhruaina hnuaiah an thukhawm.

Pu VL Hruaizela Khiangte chuan vawiin thutkhawm chhan chu ECI in a kalpui mek Special Intensive Revision (SIR) nen inkungkaihna thuk tak a nei a, SIR innghahna ber a ni zawk a ti. Summary Revision hmangin kumtinin e-roll endik a ni thin a, kum tluanin continuous updation hmanga siam dik a ni thin tiin Special Summary Revision (SIR) erawh kum 20 danah neih thin a ni a ti. Roll hrisel leh thianghlim kan neih theihna turin India khua leh tui dik tak te chauh Birth Certificate pek an nih theih nan fimkhur a tul hle a, chutih rualin Khua leh Tui dik tak te erawh hmaih hauh lova chhinchhiah leh digitised vek a pawimawh hle a ti bawk a ni.

Addl District Registrar of Births & Deaths Pu H Ramhluna, District Research Officer (DRO) ni bawk chuan CRS chungchanga pawimawhte rel ho tura kalkhawm line department te chungah lawmthu a sawi a, CRS thiltum ber chu mihring piang leh thi zat felfai taka chhinchhiah (registration of births & deaths) a ni tiin tun dinhmuna hman mek dan leh dun te a tarlang nghal.

Vawiin thutkhawmah hian agenda hrang hrang sawiho niin lungrual takin a hnuaia tarlante hi a pawm a ni.

1. India khua leh tui dik tak, Nationality Proof document neih loh avanga registration dil ve theilo te chu ngaihtuahna fim tak nen ruahmanna siam sak ni se.

2. ⁠Kum tlinglo, Nu leh Pa nei tawh silo, Nu leh Pa India Khua leh tui dik tak nihna neite tan guardianship certificate ( Indian Nationality Proof nei) hmangin registration dil theih dan tur ruahmanna siam sak ni se.

3. ⁠IDCC member pakhat atan tlawmngai pawl telh ve ni se.

4. ⁠Bound register a awm, CRS portal a lut hman lo tan ruahmanna siam sak ni se tih te a ni.

Vawiin thutkhawmah hian District Bawrhsap Pu VL Hruaizela Khiangte, Addl DC Pu Abraham Beirazi Khithie, Project Director (DRDO) Pu M Misael, Election Officer Pu Vabeimozachhi Chozah te bakah Chief Medical Officer, District Medical Superintendent, SR EO (MADC), DCPO leh line department hrang hrang aiawhte an tel.