2450/2026-2027

Champhai, September 30, 2026: Vawiin khan DC Conference Hall, Keifangtlangah Addl. DC Pu Lalbiakfela kaihhruaiin Champhai District Level Narco Coordination Centre (NCORD) Committee an thukhawm.

Meeting-ah hian ruihhlo do chungchanga hmalakna hrang hrang leh ruahmanna hrang hrang bakah Narcotics Control Bureau (NCB) inkaihhruaina dungzuia ruihhlo dona 'Special Drive' neih mek leh ruihhlo tawlhruk leh ruihhlo hman sual tih tlem chungchang sawiho a ni.

Meetinga tarlan a nih danin Excise & Narcotics Department-te chuan August ni

27, 2026 aṭanga September ni 30, 2026 chhungin Heroin 1.194 kg leh Methamphetamine 5.500 kg an man a. NDPS Act '85 hnuaiah mi 9 manin case 7 an ziaklut a, India rama dan kalha awm leh ruihhlo tawlh thila inhnamhnawih ni ngei a rinhlelh ram dang mi pawh mi 3 (mipa 2 leh hmeichhia 1) man an ni a. CMO Champhai hmalaknain September ni 17, 2026 khan HIV awareness leh thisen test neih a ni a thisen test zawng zawngte hi an negative vek an ni. 

Champhai District Police-te chuan September ni 1 atanga ni 28, 2026 chhung khan NDPS Act hnuaiah case 13 ziak lutin mi 17 (India mi 11 leh ram dang mi 6), lirthei 1 man an a ni. Hemi hun chhung  hian cheng nuai 107 manhu  Heroin 537 gram, cheng nuai 252 man hu, Methamphetamine 3.154 kg, cheng nuai 18.5 man hu leh Opium Fluid 3.700 kg an man a ni. September 1, 2026 khan Sub-Hqrs YMA Sub-Committee leh ADRA, SI Hlimpuia Champhai Police te tangkawp chuan  Zion Veng Community Hall-ah Myanmar raltlan mi 80 te hnenah Legal Awareness Campaign an nei bawk a ni

14 Assam Rifles-te chuan  September 2026 chhungin  ruihhlo dona operations vawi 7 neiin  Heroin hawng 77, cheng 2,19,82,550/- man  leh  Methamphetamine kg 5.5, mi 8 leh lirthei pakhat an man a, an ruihhlo man zawng zawng hlut zawng hi Cheng Nuai 659.82 a ni. Ruihhlo leh ruihhlo kaihhnawiha mi an man zawng zawngte hi Excise and Narcotics Department, Champhai kutah an hlan vek a ni