2653/2022-2023
Champhai, the 14th November, 2022: Special Summary Revision of Electoral Roll, 2023 kalpui tur chungchang ngaihtuahin vawiin chawhma dar 11 khan Champhai District Level Standing Committee chu an Chairman Pu James Lalrinchhana, District Election Officer hovin DC Conference Hall-ah an thukhawm.

District Election Officer Pu James Lalrinchhana chuan draft electoral roll tlangzarh fel tawh a nih thu sawiin, electoral roll felfai nei turin fimkhur a ngai a, thil thar awm belh reng anih avangin inpawhtlang taka thawhho leh infinchhuah angaih thin thu a sawi a. Document pekchhuah kawngah fimkhur taka hmalak chhoh mek zel a nih thu sawiin, document pawimawh pek kawnga mawhphurhna neite fimkhur tlang turin a chah a; a lem leh dik lo man an awm chuan dan anga hmalak zel tum a ni, a ti a. Electoral Roll dik leh felfai buatsaih kawngah Political party leh NGO te chu mawhphurhna pawimawh tak nei an nih avangin theihtawp chhuaha Official-te tawiawm thin turin a ngen a. District Level Standing Committee member-te chu neitu thinlung pu a Electoral Roll siam kawnga hriat tulte midangte zirtirtu nih tum theuh turin a chah nghal bawk.

He hunah hian Champhai SP Pu Lalrinpuia Varte pawhin thu sawiin, document lem siam leh hemi hmanga hmalak tumte dan hnuaiah hrem theih a nih thu a sawi a. Hetiang ti man chhuah leh rinhlelh an awm emaw, chhui zui kawngah Police-te hrilhhriaa tawiawm turin mipuite a chah a ni.

Member Secretary/ Convener Pu H.Lalhruaitluanga, Election Officer hnen a?angin Draft Electoral Roll, 2023 tlangzarh tak dinhmun tlangpui ngaihthlak a ni a. Special Summary Revision of Electoral Roll, 2023 kalpui dan turte a sawifiah nghal bawk a. Electoral Roll felfai leh thianghlim neih anih theih nan document-te uluk taka enfiah tum a nih thu sawiin, NGO, Political party leh Official-te tawiawmna a ngen nghal bawk.

He hunah hian electoral roll hearing neih dan tur leh neih huna hmalak tulte inpawhtlang taka sawiho a ni a. Hun bituk duan mil ang zela dilna siam leh hmalak a pawimawh thu ngaihthlak a ni a, roll-a inthun mai bakah siam that leh paih tur zawng zawngte chu hun bituk ngaipawimawha a tawp hun nghak kher lova a hmalama ngaihven theuh turin mipuite an chah a. Dilna thehluh leh hearing neih hun chhungin document felfai leh dik tak chauh keng theuh turin an ngen nghal bawk a ni.

Special Summary Revision of Electoral Roll, 2023 kalpui chhoh mekah Birth Certificate, leh Document dang dik lo leh a lem siam thin chhuichhuah kawngah tanlak tum a ni a. District Election Office, District Research Office leh Police tangkawpin document lem leh dik lo zawnchhuah beihpui an thlak tel dawn a; dan bawhchhia man chhuah an awm anih chuan an chungah dan anga hremna lek kawh zel a ni ang.