2681/2022-2023
Champhai, the 15th November, 2022: Khawpuia cheng mahni puala chenna in neilote tana insak tanpuina Scheme Pradhan Mantri Awas Yojana-Housing for All (PMAY-HFA Urban) kaltlanga hamthatna dawng tur thlangtu District Screening Committee on PMAY-Housing for All (Urban), Champhai District chu vawiin khan an Chairman Pu James Lalrinchhana, District Bawrhsap hovin DC Conference Hall-ah an thukhawm.

He hunah hian Beneficiary-led-Construction (BLC) kaltlanga Champhai khawpui chhunga PMAY Housing For All (Urban) hnuaia in sak tanpuina dawng tura thlan chhan hrang hrang avanga paih ngaite chungchang rel a ni a. Department leh Village Council atanga zirchianna neih anih hnua report buatsaihte pharh niin zirho a ni a; paihna tur chhan hrang hrangte leh zirchiannate rintlaka ngaih niin Committee chuan paih a rem ti a ni.

DPR 1 Champhai 03 hnuaia beneficiary 2375 atangin 34 paih a ni a, DPR 2 Champhai 26 hnuaia beneficiary 972 atangin 25 paih niin, DPR 3 Champhai 32 hnuaia beneficiary 753 a?angin 12 te paih an ni bawk a, vawiina paih zawng zawng zat hi 71 a ni. Tihian tun dinhmuna PMAY Housing For All (Urban) beneficiary neih dan chu DPR 1 Champhai 03 ah 2341, DPR 2 Champhai 26 ah 947 leh DPR 3 Champhai 32 ah 741 te a ni a, MIS attachment leh Geo-tagging-te zawhfel vek a ni tawh bawk.