258/2023-2024

Champhai, the 28th April, 2023: Vawiin chawhma dar 11 khan Power & Electricity Department, Champhai buatsaihin Electrical Safety Day 2023 pualin I&PR Auditorium, Champhaiah hun hman a ni.

Electrical Safety Day 2023 puala hun hman hi Er.K.Duhsanga, Superintending Engineer, Champhai Power Circle chuan kaihruaiin, Er. H.Lallianmawia, Executive Engineer (Planning) chuan Power Presentation hmangin P&E Department hnuaia hnathawkte himna chungchang a sawifia a. Er. John Lalthlengliana Khiangte, Sub Divisional Officer chuan Kawlphetha hmangtu mipuite himna chungchang sawifiah bawk a. Er. PC. Lalrawnliana, Junior Engineer-in Kawlphetha him zawka kan hman theih nan Dan leh hrai zawm tur hrang hrangte a sawifiah hnuah sawihona hun hman a ni bawk.

Power & Electricity Department, Champhai buatsaih Electrical Safety Day 2023 puala inzirtirna hun hmanah hian Champhai town area huam chhunga VC leh Consumer's Union hruaitute an tel a ni.