259/2023-2024

Lunglei the 28th, April' 2023: Vawiin khan DC's Conference Hall Lungleiah Bawrhsap leh Chairman Lunglei District Disaster Management Authority ni bawk Pi Ramdinliani,IAS kaihhruaiin furpui lo thleng tura khuarel chhiatna lo thlen thulha inven dan tur leh hmalak dan tur ngaihtuah in Lunglei District Disaster Management Authority thutkhawmna neih a ni.

Pi Ramdinliani chuan furpui lo thleng turah khuarel chhiatna hrang hrang thleng thei laka lo inralrin leh chhiatna lo thlen thulha hmalak dan tur ruahmanna fel tak neih a tul a ni a ti a. Chhiatrupna lo thlen thulha chhawmdawlna a thlen zung zung theih nan Line Department tin te lo inbuatsaih lawk a ngaih thu sawiin member kalkhawmte chu chhiatna hrang hrang thleng thei laka Lunglei District a himna tura ngaihtuahna seng turin a chah a ni. 

Furpui chhunga chhiatrupna lo thlen thulha inven lawkna chungchangah Sorkar Department te mawhphurna sawi ho niin fur laia kawngchhiat vanga ration buhfaiah harsatna a awmloh nan kudam hrang hrangah monsoon stoch buhfai dah mek thu tarlan  a ni a.  Medical Department in damdawi in hrang hrangah damdawi leh hmanraw hrang hrang te lo stock bakah Ambulance te hmantheiha inbuatsaih tura tih a ni. PWD in Lunglei Circle huam chhunga kawng te mipui ten harsatna an tawh loh nan kawng hrang hrang a hmalak a ngaihna ah te ruahmanna siam tura tih a ni a. NHIDCL ten National Highway laih te enkawl that a furpui zawh hma chu kawngthar lai lo tur tih a nih  bakah  Phairuangkai leh Tuichawng lei te rit phur tam zawk kalthei tura ruahmanna siam tura tih a ni. PHE Department in tui sem chungchangah harsatna em em an neih loh tur thu sawiin Pialthleng tui pumpna kawng  siamthat kawngah hmalak a ngaih thu tarlan a ni. Power & Electricity Department in Khawiva leh Kawmzawl Power Sub-Station te hman theih a enfiah a nih bakah line te check thin a ni a, 132 KV  Transformer hmanlai leh 1 spare an kawl bakah englai pawh in power supply a khaihlak loh nan an vil reng thu tarlan a ni. Tlabung Rural Development Block chhunga tuilian in a khaw thenkhat chim thin te chhanchhuah hna leh chen lailawkna siam kawng ah  Department hrang hrang te nen a thawhhona  tha tak hnuaiah ruahmanna siam tura tih a ni. Khuarel chhiatna a thlen thulha mipuite himna tur leh biak pawh theihna turin District Emergency Operation Centrer, DC Office chu 24/7 a in hawn reng thu tarlan a ni a. Heng bakah hian hma lakna tur hrang hrang ruahman a ni bawk.