Vawiin chawhnu khan Faina Hapta 2017 kharna hun Govt Champhai Multipurpose Hall-ah neih a ni a. He hunah hian Pu Vanlalngaihsaka, IAS Champhai Bawrhsap chu khuallian a ni.
Khuallian Pu Vanlalngaihsaka,IAS chuan Faina kawnga Champhai District hmasawnna chu lawmawm a tih thu a sawi a. Faina Hapta puala inelna Category II bika Pakhatna hauhtu Biate khua chu a chhuanawm a tih thu a sawi a. Heng bakah hian Khawzawl leh Khawhaite pawh a titha zingah an tel a ni, a ti a. Champhai District chu khawlaia inthiar awmlohna (Open defecation Free, ODF) District hmasa ber a nih angin district ang zawng pawha faina lama tan lak zel angaih thu a sawi bawk. Faina chu tun hapta chhung mai nilova kumtluana hmang thin tur a ni, a ti a. Mahni taksa, inchhung, veng leh khawtlang thlenga faina lama tan la zel turin kalkhawmte chu a sawm nghal a ni.
Faina Hapta 2017 puala faina kawnga inelna a tithate hnenah lawmman semna hun neih a ni a. Pakhatna in Rs 3000 leh Certificate; Pahnihna in Rs 2000 leh certificate; Pathumna in Rs 1000 leh Certificate te an dawng a ni. Lawmman dawngtu leh category chu a hnuaia tarlan ang hi a ni.
|
Sl.No |
Inelna Category |
Lawmman Dawngtu |
|
|
1 |
Veng fai |
1st |
Hmunhmeltha |
|
2nd |
Kahrawt |
||
|
3rd |
Vengthlang North |
||
|
2 |
Office fai |
1st |
DIET, Champhai |
|
2nd |
DRO Office, Champhai |
||
|
3rd |
EE, PHE Office |
||
|
3 |
Higher &Higher Secondary School fai |
1st |
Vengsang High School |
|
2nd |
Govt. PM high School, Zote |
||
|
3rd |
Govt GM HSS |
||
|
4 |
Middle School fai |
1st |
Govt. Model Vengthlang Middle School |
|
2nd |
Govt. Kanan Middle School |
||
|
3rd |
Govt. GM High School |
||
|
5 |
Primary School fai |
1st |
Govt.P/S VI Bethel |
|
2nd |
Govt. Zote P/S |
||
|
3rd |
PES Vengthlang |
||
|
6 |
Anganwadi fai |
1st |
Venglai-I |
|
2nd |
Zotlang –IV & Vengsang-I |
||
|
3rd |
Zotlang-II & Vengthlng -II |
||
He hunah hian Champhai District chhunga Faina lama titha zual school 9 te hnenah Swacch Vidyalaya Puraskar lawmman certificate hlan a ni a. Swachhta hi Seva ( Faina hi Rawngbawlna a ni) tih puala Essay Writing Compettition leh Short Film inelna a tithate hnenah lawmman hlanna neih a ni bawk a. Heng bakah hian Faina kawnga mimal thawhhlawkte leh SMS hmanga inelna buatsaiha tithate hnenah lawmman hlan nghal a ni bawk.
Vawiina Faina Hapta kharna hun hi Pu K.Lalhmuakliana, District Urban Development Officer (DUDO), Member Secretary District Level Cleanliness Committee nibawkin kaihruaiin kalkhawmte lawmna thu a sawi a. Report leh lawmman semna hun Pu C.Lalengkima, SDS, UD&PA-in a hmang a. Special Item PES Vengthlang ( Swacch Bharat Mission, SBM Model School) leh Pu Thangrommawia Thomte ( SBM Ambassador) ten an nei bawk a ni.
Faina Hapta 2017 hi October Ni 2, 2017 khan CHANEM Building kawtah Pi Lalsangzuali Pachuau, Project Director, DRDA Champhaiin a lo hawng tawh a ni.
