123/2023-2024

Champhai, the 17th April, 2023: Vawiin khan Champhai Fire Station chuan Fire Service Week 2023 an hmanna kalzelah Govt. Champhai High School-ah Fire Awareness Campaign an neih bakah training an pe.

He hunah hian Pu F.Lalchhandama, Station Officer, Champhai Fire Station chuan kangmei laka fimkhur a tul zia a sawifiah a. Rikrum thil leh kangmei a chhuah thulha chet lak dan hrang hrangte inzirtirna neih niin, kangthelhna hmanraw hrang hrang hman dan an zirtir bakah hliam sawngbawl dan leh chhanchhuah hna (rescue methods) hrang hrang thawh dan zirtirna an pe bawk a ni.

Fire Service Week pual hian vawiin vek khan kangmei chhuah thulha Champhai Fire Station biakpawh theihna chiang taka inziahna Sticker sem chhunzawm a ni bawk a. Ruahman dan chuan Fire Service Week chhung hian hmun thlan bikah Fire Safety Inspection an nei dawn bawk a ni.

Fire Service Week 2023 hi April 14 atanga ni April ni 20 chhunga hman tur niin, thupui atan 'Kangmei laka fimkhur nachang hriat hi ram hmasawn zelna atan a pawimawh/Awareness in Fire Safety for Growth of National Infrastructure (AGNI)' tih chu hman a ni.