124/2023-2024

Aizawl, the 17th April 2022 : Vawiin khan Ms. Melinda Pavek, US Consul General, Kolkata chuan Mizoram University a tlawh a. Mizoram University Vice Chancellor (Acting), Prof. Pravakar Rath, School hrang hrang Dean-te leh MZU official dangten amah lo dawngsawngin zirlai hruaitute, research scholar leh department tin aiawh zirlaite nen inkawmhona hun tha tak a nei a ni.

Inkawmhona hun hi Dr. Benjamin Sailtuanga, Deputy Dean, Students’ Welfare chuan kaihruaiin Consul General leh zirlaite in hmelhriat tirna a nei a. Pi Malinda Pavek chuan a thawhna US Consul Office, Kolkata hnathawh hrang hrang te sawiin, khawvela US Consul office hmasa ber dawttu a nih thu  a sawi a. India leh United States inlaichinna te sawiin zirlaiten US Visa an neih theih dan tur te a kawhhmuh a. Consul General chuan India leh US a zirlaite thawhhona (collaborations) chu an thil ngaihpawimawh ber zinga mi a nih thu a sawi bawk . Prof. H.K. Laldinpuii Fente, Director, Office for International Affairs, Mizoram University chuan lawmthu sawina hmangin hun a khar a. Inkawmhona bakah hian Consul General hian Mizoram University Incubation Center leh BIONEST Center a tlawh bawk a ni.