Vawiin chawhma dar 11:00 khan Venglai Community Hall-ah Biodiversity Day hman a ni a, Environment & Forest Minister Pu H.Rohluna chu khuallian niin V/C tinin Safety Reserve kan neih leh theih nana tanlak a ngai a ni a ti.
Khuallian Pu H.Rohluna chuan thu sawiin vawiin niah hian khawvel pumah International Biodiversity Day hi hman a ni a, Mizorama kan hmanna hmun atan Champhai thlan a ni a, thupui atana thlan chu Biodiversity and Invasive Alien Species a ni a, a awmzia chu thilnung - thlai chi leh rannung, tunhma a kan rama la awm ngailo leh tualto ni lovin hmun an rawn khuar a, harsatna chi hrang hrang an thlen thei a ni tih miten an lo hriatfiah theih nan a ni a ti. Minister chuan kum 1992 khan ram hrang hrang 178 aiawh palai kalkhawmte chuan Brazil khawpui Rio de Janeiro ah Earth Summit an hmang a, hetah hian thuthlung pahnih - Climate Change leh Biodiversity te chu an siam a, Convention of Climate change hi siak leh sa lo danglam chak ta lutuk lo do letna tur atana din a ni a, Convention of Biodiversity in a tum ber chu thil nung zawng zawng humhalh a, chungte atanga hlawkna kan hmuh theih te dik tak leh intluk tlang taka sem/chanho a ni a, India pawhin he convention hi 1994 khan a pawm tawh a, kan State ngei pawhin Biodiversity Board kan lo neih phah ta a ni, a ti. Pu H.Rohluna chuan ram Biodiversity ti chhetu ber chu ramsate chenna hmun kan ti chereu hi a ni a, chuvangin khawtin V/C ten Safety Reserve kan neih leh a ngai a ni a ti bawk.
Biodiversity Board Secretary Pu Lalramthanga chuan Biodiversity in kan ram a tihchhiat theih dan Power Point hmanga entirin - Mizorama awmsa ni lo hnim chi hrang hrang - Tlangsam, Shillong Tlangsam, Japan Hlo, Japan Hlo Ral, Vailenhlo leh Bihar hlo te hi hnawksak zual an ni a, heng hlo te hian kan hriat loh hlanin kan rama awmsa hlo te chu Run (invade) in awmhmun nghet an khuar a, an luahlan zel a, hei hian harsatna min siam sak mek a ni a ti. Ram changkang zawkah Mizo te hi zin dawn ila, an rama thlai leh thei kenluh an phal n gai lo, keini erawh State dang leh ram danga zin ten an duh ang ang pangpar chi te an rawn lalaut a, hei hi lo tai darh a, Mizorama thlai awmsa an rawn luahlan a, kuthnathawktute tan harsatna siamtu an lo ni a ni a ti.
District Agriculture Officer Pu James Lalsiamliana pawhin thu sawiin Biodiversity laka Mizoram kan him theih na Zokhathar ah Central Sawrkar in Plant Guarantee Station a din a, Staff la dah lo mahse Agriculture Department in kan enkawl dawn a, Staff tur pawh kan nei vek tawh a, mahse thil hote avangin kan la function lo a ni. Kan function hunah chuan Burma atanga Ran (Vawk/Ar/Bawng etc.) lo lut tur leh Thlai lo lut turte chu kan lo dah hrang ang a, hrisel tha lehy pawi lo tur chauh kan lalut tawh anga, chutiang bawkin Burma a lut tur pawh kan endik thin tawh dawn a, chutiang chuan Mizoram hi Biodiversity in min run loh nan venhim kan tum dawn a ni, a ti.
He Day hmanna inkhawm hi PCCF Dr. S.S.Garbyal-an a kaihruai a, Champhai D.C. Pu T.V.Fambawl leh official pawimawh dang ten he hun hi an hmanpui a ni.
Biodiversity Board Secretary Pu Lalramthanga chuan Biodiversity in kan ram a tihchhiat theih dan Power Point hmanga entirin - Mizorama awmsa ni lo hnim chi hrang hrang - Tlangsam, Shillong Tlangsam, Japan Hlo, Japan Hlo Ral, Vailenhlo leh Bihar hlo te hi hnawksak zual an ni a, heng hlo te hian kan hriat loh hlanin kan rama awmsa hlo te chu Run (invade) in awmhmun nghet an khuar a, an luahlan zel a, hei hian harsatna min siam sak mek a ni a ti. Ram changkang zawkah Mizo te hi zin dawn ila, an rama thlai leh thei kenluh an phal n gai lo, keini erawh State dang leh ram danga zin ten an duh ang ang pangpar chi te an rawn lalaut a, hei hi lo tai darh a, Mizorama thlai awmsa an rawn luahlan a, kuthnathawktute tan harsatna siamtu an lo ni a ni a ti.
District Agriculture Officer Pu James Lalsiamliana pawhin thu sawiin Biodiversity laka Mizoram kan him theih na Zokhathar ah Central Sawrkar in Plant Guarantee Station a din a, Staff la dah lo mahse Agriculture Department in kan enkawl dawn a, Staff tur pawh kan nei vek tawh a, mahse thil hote avangin kan la function lo a ni. Kan function hunah chuan Burma atanga Ran (Vawk/Ar/Bawng etc.) lo lut tur leh Thlai lo lut turte chu kan lo dah hrang ang a, hrisel tha lehy pawi lo tur chauh kan lalut tawh anga, chutiang bawkin Burma a lut tur pawh kan endik thin tawh dawn a, chutiang chuan Mizoram hi Biodiversity in min run loh nan venhim kan tum dawn a ni, a ti.
He Day hmanna inkhawm hi PCCF Dr. S.S.Garbyal-an a kaihruai a, Champhai D.C. Pu T.V.Fambawl leh official pawimawh dang ten he hun hi an hmanpui a ni.
