Vawiin khan kumin Lok Sabha inthlan huna hman tur EVM/VVPAT khawlte First Randomization hmanga semrual tawhte chu an awmna tur Constituency tin tana siam Strong Room-ah theuh dahluh vek an ni.

Vawiin hian   EVM khawl Control Unit (CU) 211, Ballot Unit (BU) 211 leh VVPAT 204 te Champhai District chhunga Assembly Constituency 5 theuhte tana siam Strong Room-ah dah luh an ni a. First Randomisation hmangin 21-Lengteng A/C-a Polling Station 27 awmnaah CU-42, BU-42, VVPAT-40; 22-Tuichang A/C Polling Station 26 awmnaah CU-40, BU-40, VVPAT-39; 23-Champhai North A/C Polling Station 30 awmnaah CU-46,BU-46, VVPAT-45; Polling Station 25 awmna 24-Champhai South A/C-ah CU-38, BU-38, VVPAT-45 leh Polling Station 29 awmna 25-East Tuipui A/C-ah CU-45, BU-45, VVPAT-43 te hman tura ruahman a ni a. Heng  EVM/VVPAT Strong Room-a dahluhte hi Polling Station tina hman tur bakah reserve a tel tura tihte  an ni.

March Ni 29, 2019 hian EVM/VVPAT khawlte Polling Station tina hman tura semrualna Second Randomization neih ani ang a, April Ni 2, 2019 hian EVM/VVPAT te hman nghal mai theih tura peihfel a ni ang.