Vawiin tlai khan Chief Electoral Officer, Pu Ashish Kundra, IAS pisa ah sawrkar official pawimawh ten inthlan campaign hun chhunga dan in a phalloh sum chelek awm tur ven nan a hmalak dan tur te an sawiho.

Election Commission of India in dan a siamah pawisa Rs. nuaih 10 aia tam man anih chuan Income Tax Department in Income Tax Law hnuaiah a tul angin hma an la ang a, Income Tax Law hnuaia hmalak theih anih loh chuan Chief Electoral Officer hnenah thlenin anin a rang thei ang bera lo endikin voters te thamna atana hman tur ni a a hriat chuan Indian Penal Code hnuaiah a tul angin hma a la ang. Rangkachak leh thildang voters te thlemna atana hman theih ang chi te pawh hei hian a huam a, hei bakah hian Bank lam pawh tupawhin an account atanga vawikhatah Rs nuaih 10 aia tam an lakchhuah chuan a rang thei ang bera District Election Officer hnena hriattir nghal tur an nih thu sawilan a ni a, inthlanni thleng nitin report Expenditure Observer hnenah an pek a tul thu sawilan a ni bawk.

Vawiin meetingah hian IGP (Hqrs), BSF DIG, Aizawl District Election Officer, Excise & Narcotics Commissioner, SBI leh Aviation hotute bakah Income Tax official te an tel a ni