Vawiin khan  Labour, Employment, Skill Development & Entrepreneurship (LESDE) department  buatsaihin Government Champhai College-ah  Job/Skill Fair-cum-Career Guidance neih a ni a, a hawnna hun buatsaih hi Pu Lalhmunsanga Hnamte, Director LESDE chuan khuallian niin a hmanpui a ni. 

Khuallian chuan he hun hmang tura kalkhawmte chu tum  mumal tak neia, nih tum ber thleng pha a,  hlawhtlinna chang tura taima leh rinawm taka bei fat fat turin a chah a.  Sawrkar hnain mi zawng zawng a daih meuh loh avangin  thiamna bik nei tura vocational training lam hawia hmalak a tul tawh a,   thiamna tak tak neite  tan hna zawn kawngah harsatna a awm lo a ni, a ti a. Thalaite chu  mahni kut ke a ding tum tura chahin, hna zawng lai mek te tan District employment exchange-ah  employment registration tih theih a nih thu a sawi a. Champhaiah  Employment Officer dah anih theihna tura hmalak mek anih thu leh Employment Office chu belhchianga hmelhriat turin mipuite a sawm a. Job/Skill  Fair-cum-Career Guidance buatsaih chu Champhai District  zirlai leh  hna zawng mekten an hlawkpui ngei theihna tura duhsakna hlanin a hawng a ni.

He hunah hian Pu C. Lalbiakzauva, District Education Officer, Champhai chuan LESDE Department huaihawta Champhai hmun ngeiah hetiang hun tha tak buatsaih ani chu lawmawm a tih thu a sawi a. Zirlaite leh hna zawngte puala Job/Skill Fair-cum-Career Guidance buatsaih   chu a chhimtuten an hlawkpui ngei a beisei thu a sawi. 

Hawnna   hun hi  Dr J.T Vanlalngheta, Joint Director, LESDE department chuan a kaihruai a,  LESDE Department Deputy Director Pu Lalmuanawma’n lawmthu sawiin hun a khar a. Hemi hnu hian Career Guidance leh Job/Skill Fair neih chhunzawm a ni.

Vawiin zing   dar 10:30 atanga tlai dar 3:30 thlengin Job/Skill Fair-cum-Career Guidance hi neih a ni a. Govt Champhai College Auditoriumah Champhai khawpui chhunga Zirlaite puala  Career Guidance neih hi hun hnihah then a ni  a, First Session hi zing dar 10:30 atanga chhun dar 12 thleng  Class 10 zirlaite puala buatsaih niin,  chawhnu dar 1 atanga  2:30 thlengin  class 12 te puala neih ve leh a ni. Hemi hun chhung vek hian College Classroom hrang hrangahte Training Provider Firm hrang hrang 16 ten thalai hna zawngte pui turin Job/Skill Fair an kalpui bawk  a ni. 

He hunah hian Pu C. Lalbiakzauva, District Education Officer, Champhai chuan LESDE Department huaihawta Champhai hmun ngeiah hetiang hun tha tak buatsaih ani chu lawmawm a tih thu a sawi a. Zirlaite leh hna zawngte puala Job/Skill Fair-cum-Career Guidance buatsaih   chu a chhimtuten an hlawkpui ngei a beisei thu a sawi. 

Hawnna   hun hi  Dr J.T Vanlalngheta, Joint Director, LESDE department chuan a kaihruai a,  LESDE Department Deputy Director Pu Lalmuanawma’n lawmthu sawiin hun a khar a. Hemi hnu hian Career Guidance leh Job/Skill Fair neih chhunzawm a ni.

Vawiin zing   dar 10:30 atanga tlai dar 3:30 thlengin Job/Skill Fair-cum-Career Guidance hi neih a ni a. Govt Champhai College Auditoriumah Champhai khawpui chhunga Zirlaite puala  Career Guidance neih hi hun hnihah then a ni  a, First Session hi zing dar 10:30 atanga chhun dar 12 thleng  Class 10 zirlaite puala buatsaih niin,  chawhnu dar 1 atanga  2:30 thlengin  class 12 te puala neih ve leh a ni. Hemi hun chhung vek hian College Classroom hrang hrangahte Training Provider Firm hrang hrang 16 ten thalai hna zawngte pui turin Job/Skill Fair an kalpui bawk  a ni.