Mizoram Legislative General Election, 2018 atana hman tur EVM te chuan nizan khan Champhai a lo thleng a. Vawiin chawhma khan EVM lo thleng tharte  hawnna leh endikna  hun Pu Lalremruata Kullai, Election Officer, Champhai District hova neih a ni.  

EVM lo thlengte hi a thar hlak Ballot Unit 205, Control Unit 183 leh VVPAT 182 niin, Electronics Corporation of India Limited (ECIL) siam a ni a. Hyderabad atangin Guwahati thleng a siamtu ECIL hian a rawn phur chho a, Election Department Mizoramin Guwahati atangin District tin hman tur hi a zuk la a ni.

Vawiin hian EVM lo thleng tharte hi ECIL List nen uluk taka check anih hnuin EVM khawla Barcode-te scan vek a ni a. Hemi hnu hian EVM Warehouse siam thar, Champhai DC Office Complex Keifangtlangah dah luh nghal vek a ni. Tun thla Ni 29 -31 chhung hian First Level Checking neih tura ruahman a ni.

Vawiin EVM endikna hunah hian DC Office Election Branch Staff, Security Personel leh Political party aiawhte an tel a ni.

Attachment

  • Loading attachment...