Vawiin khan Secretariat conference Hall, New Secretariat Complex Aizawlah State Banker’s Committee Mizoram chuan Quarterly meeting nei in an thukhawm a, Pu Sawihlira MFAS, Finance Secretary in he hun hi a kaihruai.

SLBC Quarterly meeting ah hian Sawrkar department pawimawh leh Mizoram chhunga Bank hrang hrang hotute an tel a, Sawrkar kum 2017-18 chhunga an hmalaknate thlirho niin 2018-19 chhunga Bank hrang hrang hmalak dan turte sawi hona hun neih a ni. He thutkhawm ah hian Sawrkar in Self Help Group hmanga hma a lakna kawngah Bank nen a an indawr tawnna a harsatna awmte sawiho niin heng harsatna hrang hrangte hi sutkian dan tur rel a ni bawk.

State Level Banker’s Committee Mizoram Quarterly meeting in a tarlan danin 2017-18 chhungin Mizoram ah Bank 27 awm in Branch 205 a awm a, total Deposit hi Rs. 9902.13 Crore niin Total Advances hi Rs 4580.88 Crore a ni a, Credit Deposit Ratio hi 46.26 a ni. Priority sector advances hi Rs 2832.56 Crore niin Agriculture, Crop Loan leh Micro, Small and Medium Enterprise (MSME) advances hi Rs 464.74 crore, Rs 172.29 crore leh Rs 1084.76 crore theuh a ni. Advances on Services & Others hi Rs 172.29 crore a ni a, Non-priority sector a advances hi Rs 1388.07 a ni bawk. 

Sawrkar kum 2017-18 chhunga hmalakna hrang hrang hnuaia Bank ten loan an pekchhuah dan dinhmunte chu hetiang hi a ni:

Micro Units Development & Refinance Agency (MUDRA) hnuaiah loan 11623 pek niin Rs 127.07 crore a ni a, Stand Up India hnuaiah loan 41 pek niin Rs 9.20 crore a ni. National Rural Livelihood Mission (NRLM) hnuaiah loan 1214 pek niin Rs 27.20 crore a ni a National Urban Livelihood Mission (NULM) hnuaiah loan 647 pek niin Rs 9 crore a ni bawk a Credit Linked Subsidy Scheme (CLSS) hnuaiah loan 515 pek niin Rs 46.79 crore a ni.

Prime Minister Employment Generation Programme (PMEGP) hnuaiah loan 624 pek niin Rs 19.05 crore a ni a, Education hnuaiah loan 70 pek niin Rs 1.76 crore a ni. Housing hnuaiah loan 2593 pek niin Rs 133.11 crore a ni a, Self Help Group hnuaiah loan 442 pek niin Rs 7.59 crore a ni a Transport operators hnuaiah loan 106 pek niin Rs 5.46 crore a ni bawk.

Kum 2018-19 chhunga Government Sponsored Scheme (GSS) hrang hrang hnuaia Bank Loan pektur (target) atan a ruahman chu, Credit Linked Subsidy Scheme (CLSS) atan 2000, National Rural Livelihood Mission tan 2071, National Urban Livelihood Mission tan 800 leh Prime Minister Employment Generation Programme (PMEGP) tan 818 a ni.