Vawiin hian 23rd Mizoram State Geological Programming Board Meeting chu Aizawl Club-ah neih a ni a, meeting-ah hian Mizoram chhung a Geological lam hna thawktu Central leh Mizoram chhunga Department hrang hrang te'n kum hlui lama hnathawh tawh leh kum kal mek leh kumthar lama hnathawh turte relin sawiho a ni.
He meeting hi Pu Lalhmachhuana, Director, Geology & Mineral Resources chuan a kaihruai a. Central Organization hrang hrang-Geological Survey of India, Indian Bureau of Mines, Central Ground Water Board, Atomic Mineral Division, Central Water Commission leh a dangte bakah Mizoram Department pawimawh Forest, Environment & Climate Change, PWD, Power & Electricity, PHE, Land Revenue & Settlement, Mizoram University,* Agriculture, Planning & Programme Implementation Deptt, Finance Department leh a dangte atanga member lokal ten Mizoram a Geology leh a kaihhnawih chi hrang hranga hnathawh tawh, thawh mek leh thawh hmabak te thlir hovin hmalak zel dan tur te an rel a ni.
Kum 2017-18 chhungin Geology Geology & Mineral Resources Department chuan lung leh Balu atangin Rs 194.60 lakhs a hmu a, Petroleum Exploration License Fee atangin Rs 434.12 lakhs a hmu bawkin avaiin sawrkarah thil dangte nen Rs 628.76 lakhs a chhung lut a, Tun kum 2018-19 sawrkar kum kal mek ah hian minor minerals atang ringawtin Rs 128.60 lakhs Geology Mineral Resources Depatt hian a chhunglut tawh bawk a. Lei minna hmun tarn tak zirchiangin Zobawk, Lunglei, Armed Veng South, Tuithiang, Mimbung leh hmun dangah te lei min venna hna tarn tak thawh tawh leh thawh mek te report a ni bawk. CMPDI nen Lungalhthei zawnna atana Exploratory Drilling nei turin hmalak mek a ni bawk a ni.
PWD ten en kawng min thei hmun hlauhawm zual zir chiang tur a hma lak te, Quarry leh Balu awlsam zawka an siam theih dan tur te, Revenue Department lam nen Quarry atan a hmun siam bik neih chung chang leh hmun hlauhawm zual Department hrang hrangin an hman tangkai theih tur a a hmangtu Department leh Geology & Mineral Resources, Geological Survey of India mithiam ten en an zirho bakah nasa zawk leh chak zawk a hmalak chhunzawm zel dan tur sawi hona neih a ni bawk.
Mizorama Oil Exploration Company- ONGC leh OIL India Ltd te hnathawh mek chung chang te pawh sawiho a niin,ONGC in Exploratory Driiling nei leh tura hma an lak mek thu te, Oil India Ltd in Phulmawi hmuna Drilling ti tura leiverh khawl an inbuatsaih mek thu te pawh tarlan a ni bawk.
