District Blindness Control Society bultumin Champhai District chhunga Mit BP sangte a thlawna enkawl hapta "Glaucoma Week" (Glaucoma Detection Camp) chu vawiin atang khan Champhai District Hospital-ah neih niin, mit lama harsatna nei mi 100 zet inentir zingah Mit BP Sang vanga harsatna nei mi engemaw zat hmuh chhuah a ni.

Champhai District Hospital Superintendent leh Eye Specialist Dr. Lalnuntluangi Khiangte chuan Mit BP sang zawnchhuah leh enkawl beihpui thlakna "Glaucoma Week" chu hapta kalta a neih tura tih anih laiin, rokhawlhna avanga tunkar chhunga neih anih tak thu sawiin, mit lama harsatna nei zingah Mit BP sang nei bikte zawnchhuah leh a thlawna enkawl dam chu he Glaucoma Detection Camp hian atum anih thu a sawi.

Inentir zingah Mit BP sang vanga harsatna neite chu a thlawn a enkawlna pek vek an nih tur thu leh Mit BP sang chu enkawl a tihdam theih anih thu Dr. Lalnuntluangi Khiangte chuan sawiin, mit lama harsatna hrang hrang nei, he Glaucoma Week denchhena inentirte pawh tih dan phung pang ngai a enkawlna pek anih tur thu a sawi bawk.