Rural Development Department buatsaih, MLA te tana Orientation Programme on Sansaad Adarsh Gram Yojana (SAGY) chu vawiin khan Assembly Conference Hall-ah Chief Minister Pu Lal Thanhawla hoin an hmang.

Sansad Adarsh Gram Yojana hi thingtlang khua tih hmasawnna tur programme a ni a. Hetah hian thingtlang, khawtlang leh nunphung chawikan a, ami chengte hnenah hmasawnna pawimawhziate zirtirna pek te a keng tel a. He scheme hi Prime Minister Narendra Modia’n nikum October ni 11, 2014 a alo hawn tawh, Member of Parliament (MP) zawng zawng ten thingtlang khaw pakhat thlangin kawng engkima hmasawnna an neihna tura a ruangam tul ang ang duang chhuak a, kum 2016 a ‘Model Village’ ni tura siam a ni a.Hemi atan hian a hranpaa sum dah a ni dawn lo a, Centrally Sponsored Scheme hrang hrang leh state sum awmsa hmanga kalpui tur a ni. Kum 2019 ah Model Village 2 dang thlan belh leh tur a ni a, kum 2024 ah chuan 5 dang thlan tur a ni ang.

He scheme hi MP te chauhlo, state tina MLA te pawhin an bial theuhah kalpui tura hriattir an ni tawh a. Mizoram Lok Sabha MP Pu C.L.Ruala chuan Khawlailung khua chu thlang fel tawhin, Rajya Sabha MP Pu Ranald Sapa Tlau pawhin Chhiahtlang khua chu a lo thlang fel tawh bawk a ni. Tun dinhmunah chuan India ram pumah Mizoram leh Chhatishgarh chu hmasawn chak bera puan a ni nghe nghe a ni.

Chief Minister Pu Lal Thanhawla chuan he scheme hi tangkai tak tur a ni a ti a. Bialtu MLA te chu a khua thlangtu tur a nih angin a survey hna leh monitoring (vil hna) an thawh that hle a tul tur thu a sawi a.Langtlang taka kan kalpui a tul ang a ti.

Programme ah hian MLA an kal kim veklo a ni. A programme hi Pu Lalhmingthanga,IAS, Secretary, Rural Development Department in a kaihruai a, Pu V.Lalengmawia, Dy Secretary, Rural Development Department in powerpoint hmangin SAGY hi chipchiar takin a hrilhfiah bawk a ni.