4038/2022-2023

Champhai the 30th March 2023: Nimin Ni 29 March 2023 tlai khan National Paragliding Training Programme hawnna neih a ni a. Pu James Lalrinchhana, Deputy Commissioner, Champhai District chu Khuallian niin training programme hi a hawng.

Khuallian Pu James Lalrinchhana chuan India rama National Paragliding Training Programme hmasa ber Mizoram a neih a ni leh Champhai a nghah a ni chu lawmawm a ti hle a; thalaite zingah chona nasa tak a thlen a beisei thu sawiin Khuallian chuan state hrang hrang sawm pahnih (12) atanga kalkhawmte chu lawmin, Paragliding Pilot hlawhtling ni theuh turin a chah hlawm a ni. 

He hawnna inkhawm-ah hian Pu Lalrinpuia Varte, Superintendent of Police, Champhai District chuan Training T-Shirt tlangzarhin, training tluang taka nei turin duhsakna a hlan bawk a. Pu Thanchungnunga, Superintending Engineer, PHED Champhai District leh Dr. Lalhmingliana, Chief Medical Officer, Champhai District te pawhin he hun hi an hmanpui bawk a ni. 

National Paragliding Training Programme hi NEC, Ministry of DoNER sponsor niin, GAD (Civil Aviation Wing) leh Mizoram Aero-Sports Association (MASA) te huaihawt  a ni.