4037/2022-2023

Pi Ramdinliani, Deputy Commissioner, Lunglei District chuan Indian Army Combat Uniform camouflage design chungchangah 30th March, 2023 khan a hnuaia mi ang hian hriattirna a chhuah.

Sawrkar Laipui hnuaia Controller General of Patents, Design & Trade Marks chuan Indian Army te hak tur bik atan Camouflage design (a lem thil tel ang hi) a register tawh a. He design leh ziarang hi Indian Army chuan Combat Uniform thar atan an hmang dawna, he uniform hi India sipai te hnenah sem chhuah mek a ni. He uniform puan ziarang leh design te hi Controller General of Patents, Design & Trade Marks chuan Indian Army tan ni 21.10.2022 khan a nemngheh tawh avangin he uniform Intellectual Property Rights hi Indian Army ta liau liau a ni tawh a ni.

Chuvangin, phalna nei bik te tih loh chuan Indian Army combat uniform ang hi siam, zawrh leh hralh phal a ni lo tih kan inhriattir a, phalna nei lova he design hmang tute chu thubuai siamsak theih an ni bawk a ni tih mipuite kan inhriattir e.