2366/2024-2025

Champhai, 3rd October 2024: Vawiin chawhnu dar 2:00 khan Champhai Forest Division, EF&CC Department leh Eco-Club, Government Champhai Colege te chuan 70th National Wildlife Week pualin Multipurpose Hall, Government Champhai College-ah nungcha humhalh kawnga inzirtirna hun programme hlawhtling tak an hmang.

He awareness campaign hi Pi Lalhmachhuani, President, Champhai Sub-Hqrs MHIP chuana kaihruai a. Dr C Laldawngliana, Principal, Government Champhai College chuan inlawmna thu sawiin,Mizorama nungcha humhalh kawnga tanrual a tul thu leh sorkar department mai bakah, NGO leh mipui ten kan ram nungcha leh biodiversity te humhalh leh venhim kawnga nasa zawka thawhho leh tanrual a pawimawh thu a tarlang.

He hunah hian PuLalbiakchama Chawngthu IFS, DFO, Champhai chuan zirtirna a pe a. Nungcha humhalh kawnga Central dan pawimawh tak Wildlife Protection Act-1972 hnuaia nungcha humhalhna dan tesep leh he dan bawhchhiate hremna bakah Mizoram District hrang hranga ramngaw kan neihdante tarlangin,Mizoramin thing leh mau, nungcha leh biodiversity kan neih that thute,heng kan ram lei lung hausakna te uluk zawk a humhalh a tul thute a tarlang a. Mizoram ah nungchate chenna ramngawte lehluite kan tihchhiat nasat avangin kan nungcha leh biodiversity kan hloh nasat thu a sawi a. Indian State of Forest Report -2021 in a tarlan danin Champhai District chu Mizoram District zawng zawngah ramngaw hloh nasa ber kan nih avangin ramngaw leh nungcha humhalh kawngah mitin kan thanharh a, kan environment chhe zel tur humhalh kawngah sorkar department bakah mitinin tan lak a pawimawh thu a tarlang bawk.

He wildlife conservation awareness campaign-ah hian zirlaite leh department a thawkte bakah Champhai Sub Hrqs YMA, Champhai Sub Hqrs MHIP leh khaw hrang hrang atangin Village Forest Development Committee(VFDC) member mi engemaw zat an tel a ni.