2365/2024-2025

Aizawl, October ni 3, 2024: National Commission for Women bultumin ni hnih awh Capacity Building workshop: "Building Resilient Communities - Women and Sustainable Ecosystem in North East Region" chu vawiin khan I&PR Auditorium ah buatsaih a ni a. Pi Delina Khongdup, Member, National Commission for Women chuan a hmanpui. 

Workshop hawnna inkhawm ah Pi Delina Khongdup, Member, National Commission for Women chuan thu sawiin, hmeichhiate dinhmun chawikan a, an dikna hum tura National Commission for Women hmalakna hrang hrangte tarlangin, tuna workshop buatsaih tak pawh hian hmeichhiate tan chauh ni lo, khawtlang tan tangkai a nih thu a sawi a. Ram leilungin a tharchhuahte a tlem sawtin, boruak a chhiat chhoh zel avanga ram mipuiin hlawkna a tel thin te chu nasa takin a nghawng dan sawiin, a bik takin hmeichhia, thingtlang lama cheng, hetiang hna leh thar chhuah lama inkungkaihna hnai tak an neite chu a nghawng nasat zual thu a sawi a. Mihing kan fimkhur tawkloh avang te a sik leh sa danglam (climate change) kan tawn chhoh mek chuan nghawng nasa tak neiin khawchin mumal lo – khawlum tawlh tawlh, thlasik vin tak, ruah baw hawk tam ta lutuk, kum tluana ruahtui insemrual lo te a thlen thu a sawi bawk a. Chutah chuan mipa hmeichhiate pawhin tih theih kan neih a, pawimawhna kan nei tih hria in, disaster resilience kan tih- kan inven theih dan tur te, kan lo dawl zo theihna tur te, kan lo inhmakhuana tur te kan ngaihtuah a, kan zirho a, hma kan lak a pawimawh ta em em a ni, a ti a. Chumia tan kan lak chuan kan rama kan tharchhuah ngei te hmang hian a ram chhunga cheng te tan eizawnna rintlak, eizawnna ngial nghet te NTFP kaltlangin kan nei chho thei dawn a ni tiin workshop chu hlawkthlak taka hmang turin kalkhawmte a sawm a ni.

Pi Lalzarmawii, Commissioner & Secretary, Social Welfare, Tribal Affairs and Women and Child Development Department pawhin thu sawiin, workshop hlawhtlinna atana hma la tu zawng zawng te chungah lawmthu sawiin, hun hlawkthlak tan hmang turin kalkhawmte a chah a ni. He Workshop ah hian Pi K. Lalremruati, Interim Chairperson, Mizoram State Commission for Women chuan kalkhawmte lawmna thu a sawi a.

Pi Mina Zoliani, Joint Director, I&PR Dept. chu Facilitator niin, mithiam sawm bikte atangin khawvel sik leh sa inthlak in eizawnna a nghawng dan te, khuarelchhiat leh chhiatrupna dang lo thlen thula hmeichhiate pawimawhnate, eizawnna kawnga technology hman tangkai leh banking institution te hman tangkai chungchang te inziritrna pek a ni dawn a. A hawnna inkhawm zawh hian technical session in zuiin, Technical Session- Panel Discussion 2: Women’s Role in Disaster Resilience tih hman leh a ni a. Pu Rokima Chenkual, Deputy Director, Department of Disaster Management & Rehabilitation hnen atangin “Gender Responsive Relief and Response” tih thupui hmangin hun a hmang a. Pu Lalnunsanga IFS, DFO, Aizawl EF& CF, Northern Circle Environment, Forest & Climate Change Department chuan “Women’s Leadership in Disaster Resilience and Climate Action” tih hmangin hun a hmang bawk a ni. Interactive Session hman hman zawh hnuah Pi Zonunpari Sailo, Member Secretary, Mizoram State Commission for Women chuan Vote of Thanks hmangin hun a khar a ni.

Workshop hi naktuk October ni 4, 2024 ah neih chhunzawm a ni ang a. Hetah hian Session 1: Market Dynamics and Technology Adoption tih thupui hman a ni ang a. Pi Lalsangpuii, Joint Director, Commerce & Industries Department hnen atangin “Understanding market trends for NTFP” tih thupui hmangin zirtirn, Pi Maria CT Zuali, Director, Commerce & Industries Department hnen atangin “Adoption of new technologies for NTFP processing” tih thupui ngaihthlak a ni ang a. Session 2-ah “Value Chain Challenges and Income Augmentation” tih hun hman a ni a. Hetah hian Dr. Lalkhawngaihi Renthlei, CEO, State Medicinal Plants Board (SMPB), Directorate of AYUSH chuan “Addressing challenges in the NTFP value chain” tih thupui hmangin leh Dr. Lalrammuana Sailo, Consultant, SMPB, Directorate of AYUSH hnen atangin “Strategies of increasing income from NTFP” chungchang ngaihthlak a ni ang. Session 3-ah “Knowledge Sharing and Bank Linkages” tih hun hman a ni ang a. Pi Lucy Zaithangpuii, Joint Director, Horticulture Department hnen atangin “Sharing successful case studies” tih thupui hmangin leh Dr. Vanlalremruati Hnamte, Deputy Director, Horticulture Department hnen atangin “Linking participants with financial institutions for support” tih hmangin thu ngaihthlakho a ni bawk ang. Abhishek Tyagi, Section Officer, National Commission for Women chuan a telpui dawn a ni.

Capacity Building Workshop-ah hian ramhmul damdawi kui leh siamchhuah leh inenkawlnaa eizawngte; Self Help Groups, UD&PA Department; farmer-te, Department of Horticulture; NTFP collectors, Environment, Forest & Climate Change Department; Anganwadi Workers, WCD; State Disaster Management Authorities, State Rural Livelihood Missions, MHIP Branch hrang hrang atang leh thuthar thehdarhtute an tel a ni.