1874/2024-2025

Champhai, 3rd September 2024: Vawiin chawhma dar 10:30 khan EF & CC Department, Wildlife Crime Control Bureau(WCCB), Govt. of India leh Wildlife Trust of India(WTI) New Delhi- te chuan ‘One day Workshop on Identification of Wildlife Articles’   chu Champhai Press Club ah hlawhtling takin an hmang.

He Workshop ah hian India rama nungcha humhalhna dan pawimawh ber -Wildlife Protection Act-1972  atana central sorkarin amendment siamthar   chungchanga hriattur pawimawh te, wildlife chi hrang hrang, exotic leh native species  hmanga Dan kalha sumdawnna – Illegal trade of Wildlife chungchanga hriattur pawimawhte chipchiar taka zir ho a ni a. Tin, he workshop-ah hian Mizorama Indo-Myanmar international border, a bik takin Champhai leh Zokhawthar kaltlanga  dan kalh a ramsa leh nungcha hmanga sumdawnna chungchangah  dan leh hrai hmanga rangtak a hmalak dan te inzirtirna neih a ni. He workshop ah  Champhai District chhunga enforcement officials  hrang hrang – EF & CC Deptt, Police Deptt, Excise & Narcotic Deptt, Customs leh Assam Rifles bakah Champhai MJA atangin mi engemaw zat an tel a ni.

He Workshop hi  Pu Lalbiakchama Chawngthu IFS, DFO Champhai chuan kaihruaiin inlawmna thusawiin, Mizoram chu Indo-Burman international biodiversity hotspot huam chhunga awm a nih angin,thing leh mau,ramhmul chi hrang hrang leh nungcha leh sava lam chiah pawh kan hausa tih tarlangin, kan biodiversity hlutna te hriaa nasa zawka a humhalh kawnga sorkar department hrang hrang bakah mipui ten mawh kan phur tih a tarlang a.  Pu Monesh Singh Tomar, Senior Field Officer, Wildlife Crime Control Division, Wildlife Trust of India, New Delhi leh  Dr Pragatheesh A. Wildlife Inspector, Wildlife Crime Control Bureau, MoEFCC, Govt of India ten zirtirna an pe a ni.