494/2023-2024

Champhai, the 18th May, 2023: DCSO Office, Champhai buatsaihin vawiin khan I&PR Conference Hall, Champhaiah 'One Nation One Ration Card (ONORC)' chunchang inhrilhhriatna DCSO Champhai Pu C.C. Sakhawliana hova hman a ni a; heng bakah hian thawktute infuihtharna leh inhrilhhriatna hun hman a ni.

One Nation One Ration Card (ONORC) hi mahni ration card transfer kher lova State leh District danga hnathawk emaw, chhan hrang hrang engemaw avanga mahni awmna khuaa awm lote'n anmahni awmna hmuna an ration quota an lak ve theihna tura scheme duan a ni a, tun dinhmunah pawh he scheme hi hman mek niin chhawr tangkai nghal zel a ni tawh a ni. Hemi chungchang hi mipui vantlang hnena a zau thei ang bera puangdarh turin thawktute chah an ni.

Retailer Margin Money (NFSA beneficiary) Rs 180/- per qtl zelin Retailer hrang hrang hnena sem dan tur centre-in-charge-te hrilhhriat an ni a. Champhai khawpui chhung leh pawnah sem mek a ni. Fur ruahtui tlak tam hunlaia harsatna tawh loh nana buhfai dahkhawl monsoon stocking chungchangte pawh sawiho niin, la dahkhawl lohna hmunahte thla thum tal daih tur tun thla chhunga dah hman tum a nih thu tarlan a ni.

He hunah hian mipui rawngbawl hna thawktu nihna zawnah Centre-in-charge Storekeeper,  Inspector leh thawktu dangte chu taima lehzuala thawk tura chah an ni a.

Mahni centre theuhte tha taka vil tur leh ngaihven lehzual tura inhrilhtharna hun hman a ni.