493/2023-2024

Mamit 18th May, 2023 : Vawiin khan DC Conference Hall, Mamit-ah District Level Committee for Celebration of Remna Ni - 2023 chu an Chairman Pu V.L. Remliana, District Bawrhsap hovin thutkhawm a ni.

Meeting-ah hian June Ni 30, Remna Ni hman dan tur chipchiar taka sawiho niin Chhimveng YMA Hall-ah chawhma Dar 11:00-ah hman nise tih a ni a. Hemi atana mawhphurhna chanvo hrang hrangte inpek nghal a ni. Remna Ni pual hian State Sorkar-in ruahmanna a siam angin Mamit District-ah pawh Free Health Camp, Cleanliness Drive, Digital Flyer & Short Video Making Competition, Peace Walk, Tree Plantation, Blood Donation, Painting Competition & Photography Contest bakah Quiz & Essay Competition neih tura ruahmanna siam a ni a. Thingphun leh Cleanliness Drive hi June Ni 29 a neih tura rel niin Peace Walk hi Ni 30, Remna Ni zingkarah neih nise tih a ni a. Free Health Camp hi Govt. High School-ah neih tura ruahman niin inentir tur te'n Ni 30, Remna Ni zing dar 9 atanga dar 11:30 thlengin Free Health Camp neihna hmun tur Govt. High School-ah hian registration a tih theih dawn bawk a ni.

Vawiin thutkhawmah hian Mamit khawpui chhunga Department hrang hrang hotute, Khawtlang hruaitu leh tlawmngaipawl hrang hrang aiawhte bakah Political Party hrang hrang aiawhte an tel a ni.